好彩海鮮酒家

Open Now

Now Closed

今日下午我們去咗荃灣享和街嘅「好彩海鮮酒家」飲下午茶！我們叫咗鎮江醬油鷄嘅肉質相當嫩滑，配上鎮江醬油汁，再加埋香蔥同生蒜粒，感覺都幾特別同非常惹味！芹香櫻花蝦腸嘅腸粉好嫩滑，櫻花蝦嘅味道好似蝦米咁，但就比較大隻，芹菜嘅味道好芳香！特級鮮蝦餃嘅餃皮相當煙煙韌韌，蝦肉非常大隻同爽甜彈牙！瑤柱菠菜魚肚餃嘅餃皮極之晶瑩剔透，餡料份量超多，有鮮味嘅瑤柱絲，青嫩嘅菠菜同爽口嘅魚肚，口感非常豐富！薑蔥煲仔棉花鷄嘅魚肚好爽滑彈牙，鷄肉嘅肉質好鬆軟嫩滑，加埋薑蔥令到味道更加惹味，完全唔會有腥嘅味道！