打邊爐

Open Now

Now Closed

好耐冇同朋友食飯聚一聚，難得夾到時間，佢想打邊爐，我想食雞煲，一拍即合，即刻book位去試下呢間打邊爐先。餐廳裝修設計帶點中國風，有風格，坐得舒服。侍應服務好好，一坐低，就幫我地清潔餐具，中間仲會主動換碟同加湯，服務一流。講番食物先，揀左小辣嘅滋味雞煲，雞嘅份量唔少，雞肉嫰滑好入味，仲有大量芹菜，薑，蒜，花椒，八角，非常惹味。食完雞煲，就係另一個主角出場--加湯打邊爐。雞煲嘅精華同湯融合為一，就知道湯底不得了。先黎個超吸味嘅棉花魚肚，一落湯，就好似棉花咁吸哂湯嘅精華，非常入味，煮耐啲都唔怕。跟住就係手切安格斯肥牛，紋路明顯清晰，牛味濃，唔會嚡口。自家製流沙蝦丸， 蝦丸肉質彈牙，配合流沙效果，好出色。仲有自家製梅菜豬肉丸，梅菜唔會太鹹，估唔到可以將家常小菜變成火鍋材料之一，真係好有驚喜。