香湘辣妹 (Closed)

香湘辣妹之前來過，但當時又唔太食得辣的朋友在場，所以沒有挑戰佢的辣菜式，今次同另外一個朋友來食，辣返個夠。原來呢個辣妹真係好惹火。我哋竟然可以在香湘南妹之中食到「彩虹」呀！肚仔餓餓的我哋見到眼前呢碟我哋最愛嘅水晶粉，如狼似虎般扒進口，水晶粉比我地想像中辣少少，但係水晶粉的軟滑再加埋其中有椰菜絲的爽甜做反襯，幾可口。唔該比一個「亂舞春秋」，似乎店員都因為佢哋自己十分之有詩意嘅歌名作賽名感到驕傲？呢個名或者真係幾配合炒土豆絲的意境，土豆絲經過高溫的「亂舞」之後，質感依然十份爽身，最佩服師傅的刀功，每條土豆都真係幼如絲。蒸蛋真係十分之滑，我有理由相信佢可能加入左大量蛋白以做出呢個咁幼滑的效果，不過至於上面嘅蝦仁構圖有點奇怪，我諗會唔會將五隻蝦都集中放在中間花形咁擺放會美觀一點？而且蒸蛋的碟面比較大，而佢哋又不是選用左大大隻的蝦仁，所以看上去蝦好似好細的，所以比例上怪怪地，或者都可以使用比較細隻的碟子，解決咗呢個問題吧。 不過味道方面真係很好，火候掌握得剛剛好，十分之滑 ， 加啲甜豉油更加正！終於等到呢個火辣辣的「時光機」—辣子雞出現了，千祈唔好俾佢呢個火辣辣嘅外表嚇到，大量的辣椒乾同胡椒粒的