Video
Read full review
2020-04-25
207 views
今日星期六難得有假放，决定同朋友出街，去中環舊區行下影下相輕鬆一下。行行下見到有間台灣養生湯麵館，望望餐牌好似都幾吸引，於是乎就決定入去坐低，食返個休閒午餐🥣。湯麵館主打養生湯同埋藥膳，大部份餐都可以配手打麵、米線同埋飯仲有各款不同小食。朋友同我就一人叫左一個湯米線。朋友食藥膳養生湯農場雞米線，飲罐裝檸檬茶。本人就食藥膳古早牛肉湯米線，飲荔枝烏龍茶，另外我地仲叫左個滷水雞翼（五隻）。上餐速度都相當快，可能鋪頭當時客人唔算多。食物賣相相當唔錯，無論雞肉或者牛肉都大大嚿,對於食肉獸黎講相當吸引，但湯底方面望落就比較油。而味道方面呢，湯底味道偏鹹，同望落一樣比較油膩，藥材味亦都唔算突出，以主打藥膳來講比較遜色。米線方面相當彈牙，係本人鍾意嘅口感。雞肉食落口亦都比較滑，而牛肉就係普遍台灣滷水牛肉味，滷得入味肉質腍滑唔會打渣。最令人喜出望外嘅就係個小食-滷水雞翼，入味之餘雞肉嫩滑，非常好食。價錢方面以鋪頭係中環呢個地理位置來講都唔算貴，加埋都係食咗$199。但舖頭位置唔算寬躺，坐滿人客都係20位左右。座位尚算舒適，都適合情侶或者三五知己吹吹水。總括黎講，都算係食咗個愉快午餐！！😁😁
湯麵館主打養生湯同埋藥膳，大部份餐都可以配手打麵、米線同埋飯仲有各款不同小食。朋友同我就一人叫左一個湯米線。朋友食藥膳養生湯農場雞米線，飲罐裝檸檬茶。本人就食藥膳古早牛肉湯米線，飲荔枝烏龍茶，另外我地仲叫左個滷水雞翼（五隻）。
上餐速度都相當快，可能鋪頭當時客人唔算多。
食物賣相相當唔錯，無論雞肉或者牛肉都大大嚿,對於食肉獸黎講相當吸引，但湯底方面望落就比較油。
而味道方面呢，湯底味道偏鹹，同望落一樣比較油膩，藥材味亦都唔算突出，以主打藥膳來講比較遜色。米線方面相當彈牙，係本人鍾意嘅口感。雞肉食落口亦都比較滑，而牛肉就係普遍台灣滷水牛肉味，滷得入味肉質腍滑唔會打渣。
最令人喜出望外嘅就係個小食-滷水雞翼，入味之餘雞肉嫩滑，非常好食。
價錢方面以鋪頭係中環呢個地理位置來講都唔算貴，加埋都係食咗$199。
但舖頭位置唔算寬躺，坐滿人客都係20位左右。座位尚算舒適，都適合情侶或者三五知己吹吹水。
總括黎講，都算係食咗個愉快午餐！！😁😁
藥膳養生湯農場雞米線
$65
23 views
0 likes
0 comments
滷水雞翼
$75
16 views
0 likes
0 comments
滷水雞翼
$39
26 views
0 likes
0 comments
Post
