Video
Read full review
2022-05-12
833 views
之前喺銅鑼灣已經食過好多次架啦，好鍾意啲串燒，好味嘅居酒屋，不過home office之後已經好少過海食。疫情已經好耐冇出街食飯啦，今日放假俾我發現原來唔知幾時屋企樓下竟然開咗間分店呀，我開心到即刻book位嚟食啊，裝修好舒服，樓底好高，員工態度好殷勤有禮，嘢食好味，所有野都非常好。雞扒定食 $88不過可能新新地有啲嘢可以改進，例如侍應上菜嘅時候，個方向錯咗，個盤有一盤唔係對住客人，係對咗佢自己，變咗唔係好靚，不過好小事，我自己調返個位就得。例如喱盤，就係錯左方位了，我坐對面，竟然對住我？一睇就唔順眼了，不過我係好挑剔的客人，可能其他人唔會care😅西京銀雪魚燒 $148另外，我哋已經講明咗咖啡一定要最尾食完嘢收咗托盤先後上，因為我好唔鍾意咖啡一早嚟咗之後凍晒，同埋我唔鍾意一路食一路飲，啲味撈亂晒，不過唔知點解都係食食下上咗嘢飲，當時我碗飯仲有1/3，生果未食，雞扒仲有一舊，碗湯未開始飲，所以最尾食哂飲咖啡都係唔係好熱，可能員工誤會咗尾聲就上得，都係好小事。👌🏼仲有唔知點解個廁所度門係關唔到，度門肥過個門框，閂唔埋，不過所有員工都係非常之好，啲嘢好好味，仲唔介意帶我上去睇下樓上雅座，辛
疫情已經好耐冇出街食飯啦，今日放假俾我發現原來唔知幾時屋企樓下竟然開咗間分店呀，我開心到即刻book位嚟食啊，裝修好舒服，樓底好高，員工態度好殷勤有禮，嘢食好味，所有野都非常好。
46 views
0 likes
0 comments
雞扒定食 $88
不過可能新新地有啲嘢可以改進，例如侍應上菜嘅時候，個方向錯咗，個盤有一盤唔係對住客人，係對咗佢自己，變咗唔係好靚，不過好小事，我自己調返個位就得。例如喱盤，就係錯左方位了，我坐對面，竟然對住我？一睇就唔順眼了，不過我係好挑剔的客人，可能其他人唔會care😅
35 views
0 likes
0 comments
西京銀雪魚燒 $148
另外，我哋已經講明咗咖啡一定要最尾食完嘢收咗托盤先後上，因為我好唔鍾意咖啡一早嚟咗之後凍晒，同埋我唔鍾意一路食一路飲，啲味撈亂晒，不過唔知點解都係食食下上咗嘢飲，當時我碗飯仲有1/3，生果未食，雞扒仲有一舊，碗湯未開始飲，所以最尾食哂飲咖啡都係唔係好熱，可能員工誤會咗尾聲就上得，都係好小事。👌🏼
仲有唔知點解個廁所度門係關唔到，度門肥過個門框，閂唔埋，不過所有員工都係非常之好，啲嘢好好味，仲唔介意帶我上去睇下樓上雅座，辛苦晒員工落雨為我撐傘，將來都可以考慮包個場同啲朋友食個飯。
33 views
0 likes
0 comments
三色井 $258
總括而言，用餐經驗非常好，一定會再返黎，土瓜灣有喱啲質素嘅餐廳基本上係一間都冇，好開心🥳不過lunch見得我哋一枱，可能喱度舊區，唔係太多人識食喱啲，希望你哋加油喔，我會介紹俾街坊黎，好味啊。^_^
Post
