Video
Read full review
2005-08-06
10 views
老友久休復出，新工同我o係同一區，當然要出黎食下晏啦！午餐時間緊迫，又想食餐好o既，不禁諗起呢間舊式扒房，剛好位置亦o係我地office中間，就決定黎鋸個扒。閒日o既中午時份，餐廳只有不足七成滿。對上果次黎已經係十年開外o既事啦，還好環境人事依舊，不少老侍應仍然健在，令人欣喜。是日午餐有四款主菜可選，除指定動作o既牛扒同羊胺外，仲有蝦沙律同肉醬意粉。黎樂意餐廳，唔鋸扒點對得住自己呢？老友叫左牛扒，要五成熟，我就要羊胺，medium rare。餐湯係周打蜆湯，一大鍋擺o係餐廳門口左方，洋蔥同煙肉碎則另置於一個玻璃兜內，由侍應上湯時至「不」入湯碗，再淋上湯。如此細心安排，可惜味道依然係淡淡的，唔係好有周打湯應有o既鮮味，不過都食倒幾粒蜆肉。配湯o既係切薄片o既法包多士，點湯本來係幾適合的，不過湯太稀‧‧‧終於等到主菜上場，老友o既牛扒好有牛味，熟o既程度亦剛好，配芥末醬絕對係一流。我個羊胺亦好出色，四條骨分成兩件，肉質嫩滑，好有羊味之餘又唔會臊，好味！兩樣主菜o既伴碟都係長豆、甘荀粒同薯仔，份量都唔少，味道就普普通通啦！食完主菜，又點少得甜品呢？望下左右隔離，見午餐送o既甜品只係一片普通到
閒日o既中午時份，餐廳只有不足七成滿。對上果次黎已經係十年開外o既事啦，還好環境人事依舊，不少老侍應仍然健在，令人欣喜。
是日午餐有四款主菜可選，除指定動作o既牛扒同羊胺外，仲有蝦沙律同肉醬意粉。黎樂意餐廳，唔鋸扒點對得住自己呢？老友叫左牛扒，要五成熟，我就要羊胺，medium rare。餐湯係周打蜆湯，一大鍋擺o係餐廳門口左方，洋蔥同煙肉碎則另置於一個玻璃兜內，由侍應上湯時至「不」入湯碗，再淋上湯。如此細心安排，可惜味道依然係淡淡的，唔係好有周打湯應有o既鮮味，不過都食倒幾粒蜆肉。配湯o既係切薄片o既法包多士，點湯本來係幾適合的，不過湯太稀‧‧‧終於等到主菜上場，老友o既牛扒好有牛味，熟o既程度亦剛好，配芥末醬絕對係一流。我個羊胺亦好出色，四條骨分成兩件，肉質嫩滑，好有羊味之餘又唔會臊，好味！兩樣主菜o既伴碟都係長豆、甘荀粒同薯仔，份量都唔少，味道就普普通通啦！
食完主菜，又點少得甜品呢？望下左右隔離，見午餐送o既甜品只係一片普通到極o既瑞士卷─如此貨色又點可以滿足倒我地呢？同老友對望一眼，即時揚手向侍應要來餐牌，另叫甜品。由於都幾飽，老友叫左個淨士多啤梨，我就叫左個火焰香蕉。士多啤梨灑左糖霜，入口滿有傳統o既香甜味，清清地，都唔錯。我個火焰香蕉係經理親自「煮」理，香蕉用橙酒煎過，雖然略嫌火侯未夠，味道都OK。由於我地兩個都唔鍾意食雲呢拿味雪糕，所以食剩一球雪糕。
食完甜品，餐茶我要左齋啡，估唔到味道都OK，飲落似綠寶山一類帶微酸o既品種。埋單一人$140﹝午餐應該係$78加一﹞，以各類配菜o既水準計係略貴，不過個扒真係有水準，加埋懷舊o既感情分，仍然覺得值回票價。個笑面係俾個牛扒同羊胺o既。
兩個人傾傾講講，好快又夠鐘要趕番公司，繼續開工‧‧‧
Post