六小館

一早就留意到東涌有呢間中菜，一路都好想試，今次終於有機會，本身想食下晝試吓佢啲點心，但今次揀咗晚餐。茶嘅選擇唔算好多，基本嘅中國茶普洱香片。朋友想試吓中湯，所以揀咗一個粟米魚肚羹，味道唔會好濃，有足夠嘅粟米同埋魚肚，如果同小朋友去可以叫你飲，兩個人分享還可以，如果一群人就要叫多啲飲，只適合一人份量。鍋燒滴漏雞油鮮野菌燴飯 $168一攞嚟嘅時候，熱辣辣雞油味一陣一陣嘌出嚟，第一次食雞油燴飯，蠔仔同埋雜菌都好足，有機會仲會搵到迷你版松茸，係夜魅選擇。見佢依個飯同埋炒米粉都係王牌，同朋友諗咗好耐都係決定咗呢個果然冇令我哋失望但如果兩個人食會有啲膩，多人分享會比較好，細細碗大滿足，如果係崇尚健康人士都可以揀炒米粉。古法清湯本地新鮮牛雜 $168一個煮食，我哋仲揀咗一個餸，最後都係揀咗一個招牌菜朋友唔食內臟，所以特登問過入面有啲乜嘢，之後佢係有牛筋，牛腩，牛肚，所以都試下！清湯可以直接飲，唔會好油，仲有好多清甜唔老嘅白蘿蔔，牛筋好林，唔會好濃味果隻，牛腩有啲韌有啲林，咁啱我地果碟有啲邊位。