Video
Read full review
2017-07-31
251 views
原本叫果個定食係（冷蕎麥麵+魚生飯）點知冷蕎麥麵賣哂 但天氣熱又好想食壽司或者魚生 就揀咗另一個定食 （牛肉鍋燒烏冬+壽司）跟餐有沙律同飲品。我就揀凍柚子蜜好快就已經上菜 最慢反而係杯飲品 前後冇五分鐘 我已經食緊嘢😂因為烏冬要等佢水滾再打生蛋 煮熟埋牛肉先食得 店員就同我講 可以食沙律同壽司先沙律冇乜特別 啲醬都夠 食完沙律就水滾 可以打蛋 我就成隻打落去做水波蛋 其實都可以整做蛋花 不過我就鐘意水波蛋多啲壽司方面 有四件 三文魚 北寄貝 帶子 八爪魚帶子值得一讚 好厚身 但三文魚就薄咗小小 都好新鮮 唔點豉油都唔會腥呢個時候 烏冬就食得喇 因為我見牛肉同蛋得咗我就熄火 所以冇煮過龍嘅情況出現烏冬好彈牙 但牛肉得兩三舊 有啲小 湯唔算太甜 入面有啲蔬菜 例如娃娃菜 紅蘿蔔 金菇等等 仲有鳴卷其實都好飽好飽$86都唔算太貴推薦大家飲柚子蜜 可以消濟😎最後呢 想講吓服務 落車嘅小姐好禮貌 冇哂我要嘅嘢就一路講唔好意思😂不過佢聽漏咗 我要追加茶碗蒸 佢冇加到😭後來有個年紀大小小嘅女士上菜 佢幫我set好哂 仲教我點食 又驚啲嘢阻住哂 幫我汁走佢 都幾好人總括而言 誤打誤撞食咗個好好食嘅烏冬
點知冷蕎麥麵賣哂 但天氣熱又好想食壽司或者魚生 就揀咗另一個定食 （牛肉鍋燒烏冬+壽司）
跟餐有沙律同飲品。我就揀凍柚子蜜
好快就已經上菜 最慢反而係杯飲品 前後冇五分鐘 我已經食緊嘢😂
因為烏冬要等佢水滾再打生蛋 煮熟埋牛肉先食得 店員就同我講 可以食沙律同壽司先
沙律冇乜特別 啲醬都夠
食完沙律就水滾 可以打蛋 我就成隻打落去做水波蛋 其實都可以整做蛋花 不過我就鐘意水波蛋多啲
壽司方面 有四件 三文魚 北寄貝 帶子 八爪魚
帶子值得一讚 好厚身 但三文魚就薄咗小小 都好新鮮 唔點豉油都唔會腥
呢個時候 烏冬就食得喇 因為我見牛肉同蛋得咗我就熄火 所以冇煮過龍嘅情況出現
烏冬好彈牙 但牛肉得兩三舊 有啲小 湯唔算太甜 入面有啲蔬菜 例如娃娃菜 紅蘿蔔 金菇等等 仲有鳴卷
其實都好飽好飽
$86都唔算太貴
推薦大家飲柚子蜜 可以消濟😎
最後呢 想講吓服務 落車嘅小姐好禮貌 冇哂我要嘅嘢就一路講唔好意思😂不過佢聽漏咗 我要追加茶碗蒸 佢冇加到😭
後來有個年紀大小小嘅女士上菜 佢幫我set好哂 仲教我點食 又驚啲嘢阻住哂 幫我汁走佢 都幾好人
總括而言 誤打誤撞食咗個好好食嘅烏冬餐 都唔錯
Post
