Video
Read full review
2009-08-17
11 views
一早起床, 乖女對眼竟然腫晒.......快速搵醫生睇, 貪方便到中環某兒科診所, 姑娘話無預約無得睇. 病都可以預知咩, 點預約呀......打的去港安啦.....9點幾搞到成11點幾, 坐的士走時, 乖仔話好肚餓.....係呀, 佢哋食咗兩粒餅就出門嘞.(我就水都無飲過)...真可憐!去到香港站, 即刻衝去翡翠拉麵小籠包(未到12:00, 不用排隊, lucky!!) , 即點2籠小籠包 & 嫩鷄煨麵. (約了表妹食luch我要留肚, 最緊要係對仔女有嘢食.)幾分鍾後嫩鷄煨麵送到, 碗麵個樣真係唔得, 不過食落超感動 -- 無味精. 點解我咁肯定? 因為同我煮嘅鷄湯好似 ! 麵條比較碎(短), 軟身但不糊, 非常合對仔女的口味. (可能餓) , 他們邊吃邊讚還快速多添一碗.(這碗麵, 鷄肉和小棠菜都很少, 主要是吃心機. 要是有誰沒甚胃口, 不要去吃味精粥, 吃這麵好了! 真的!)小籠包, 我們去年常到時代廣場店, 味道好, 而海港城都好, 但這一家我覺最好. 汁多, 夠熱, 皮薄但夾不穿, 湯汁味鮮不過火(有小量味精, 但分量恰當), 仔女各食三粒都無問題. 其實
去到香港站, 即刻衝去翡翠拉麵小籠包(未到12:00, 不用排隊, lucky!!) , 即點2籠小籠包 & 嫩鷄煨麵. (約了表妹食luch我要留肚, 最緊要係對仔女有嘢食.)
幾分鍾後嫩鷄煨麵送到, 碗麵個樣真係唔得, 不過食落超感動 -- 無味精. 點解我咁肯定? 因為同我煮嘅鷄湯好似 ! 麵條比較碎(短), 軟身但不糊, 非常合對仔女的口味. (可能餓) , 他們邊吃邊讚還快速多添一碗.
(這碗麵, 鷄肉和小棠菜都很少, 主要是吃心機. 要是有誰沒甚胃口, 不要去吃味精粥, 吃這麵好了! 真的!)
小籠包, 我們去年常到時代廣場店, 味道好, 而海港城都好, 但這一家我覺最好. 汁多, 夠熱, 皮薄但夾不穿, 湯汁味鮮不過火(有小量味精, 但分量恰當), 仔女各食三粒都無問題.
其實衝入翡翠拉麵小籠包前是有猶疑的, 因為我一直認為她除小籠包外, 其他菜式都不濟, 要不要多忍一會, 到夏麵館呢?(因為夏麵館自稱無味精) 但其實夏麵館的質素我很清楚, 既然翡翠就在面前就到翡翠好了.
不過, 經過今天小嚐後, 我會愛上ifc這間翡翠的.
(對於師父做的那碗嫩鷄煨麵, 我是由衷感謝. 這樣的質素值得排隊矣.)
Post