跳舞蘭 (Closed)

萳茜好鍾意食泰菜，所以成日都想食。其實我一心諗住去另一間，點知已經....唔係度啦。嗚嗚...帶朋友黎到洪水橋，試唔到果間咪搵另一間，反正唔試又點知好唔好食姐。由於我好鍾意試未去過嘅餐廳，所以都搵到另一間泰菜餐廳--跳舞蘭。我地去到都已經係夜晚9點，問佢地都未收，但已經無乜食客同開始執嘢。見咁夜拿拿臨落order先，點左個生蝦刺身，鹽燒烏頭，馬拉盞椰菜苗同泰式金邊粉。鹽燒烏頭制作需時，所以一定要早啲叫。人少少上菜都快，然而入去聽到侍應同個廚都係泰國人就更加有信心而每樣菜水準都好平均，一啲都唔會有中伏嘅感覺，而個烏頭真係我地食哂前3味之後慢慢等先到。咁我悶悶地咪問下侍應有無泰式粉腸食，因為我上網睇到真係好吸引，係香港又搵唔到邊度有得食喎，點知又俾我傾計傾到有一味侍應特別推介而個餐牌又係無嘅菜-->就係粉腸豬皮生菜包聽到都想試，侍應話我知，如果想食就預早前幾日打去落order，等佢地準備。咁我一定會返黎