Video
Read full review
2024-11-13
112 views
「Ask for Alonzo」係本地一間現代意式餐廳，據知餐單嘅靈感係嚟自意大利地中海區菜餚，食物選擇都幾多元化。餐廳現時有 5 間分店，而今次就同朋友揀左嚟鰂魚涌店 Chill 下。店舖面積頗大，設有室內和戶外座位，加上以綠色植物作點綴，環境寫意舒適。點完餐後，店員隨即送上 2 款餐前麵包，烘得很香脆，麥味濃郁，配上黑松露醬，十分美味。前菜選了 Roman Meatballs，造型飽滿紮實，入口啖啖肉汁，伴以番茄醬汁及拉絲芝士吃，充滿意式風味。另一款前菜就選了 Sauteed Clams，蜆肉肥美新鮮，每粒都好飽滿又冇沙，白酒汁調味恰當，以香草包伴吃，滋味非常。主菜點了 Prawn & Asparagus Risotto，大蝦結實爽脆，Risotto 嘅濕潤度同軟硬度都啱啱好，加上幼嫩蘆筍，令鮮味提升。另一款主菜就揀左 Roasted Italian Suckling Pig，乳豬皮燒得頗香口，瘦肉鬆化、肥肉甘香，配上底層嘅薯蓉同野菌，啖啖滋味。甜品選了 Alonzo’s Signature Tiramisu 同 Cheese Cake，提拉米蘇製法正宗，手指餅沾滿特濃咖啡，配搭
「Ask for Alonzo」係本地一間現代意式餐廳，據知餐單嘅靈感係嚟自意大利地中海區菜餚，食物選擇都幾多元化。
餐廳現時有 5 間分店，而今次就同朋友揀左嚟鰂魚涌店 Chill 下。店舖面積頗大，設有室內和戶外座位，加上以綠色植物作點綴，環境寫意舒適。
點完餐後，店員隨即送上 2 款餐前麵包，烘得很香脆，麥味濃郁，配上黑松露醬，十分美味。
前菜選了 Roman Meatballs，造型飽滿紮實，入口啖啖肉汁，伴以番茄醬汁及拉絲芝士吃，充滿意式風味。
另一款前菜就選了 Sauteed Clams，蜆肉肥美新鮮，每粒都好飽滿又冇沙，白酒汁調味恰當，以香草包伴吃，滋味非常。
主菜點了 Prawn & Asparagus Risotto，大蝦結實爽脆，Risotto 嘅濕潤度同軟硬度都啱啱好，加上幼嫩蘆筍，令鮮味提升。
另一款主菜就揀左 Roasted Italian Suckling Pig，乳豬皮燒得頗香口，瘦肉鬆化、肥肉甘香，配上底層嘅薯蓉同野菌，啖啖滋味。
甜品選了 Alonzo’s Signature Tiramisu 同 Cheese Cake，提拉米蘇製法正宗，手指餅沾滿特濃咖啡，配搭 mascarpone cheese，令人一試難忘。芝士蛋糕綿密細滑，同香脆嘅餅底 perfect match。
Post
