Video
Opening Hours
Today
11:30 - 22:00
Mon - Fri
11:30 - 22:00
Sat - Sun
11:00 - 22:00
Public Holiday
11:00 - 22:00
Public Holiday Eve
11:30 - 22:00
Above information is for reference only. Please check details with the restaurant.
最近去咗一間我好耐之前已經想去嘅意大利餐廳 🇮🇹，佢哋喺大坑、灣仔、上環同埋跑馬地都有分店。餐廳嘅裝修好有格調，有室內同埋室外嘅環境，好啱同朋友一齊聚會 🍽️。服務態度都好好，我哋都覺得好滿意 😊。我哋每人嗌咗個Tasting Menu，每位$288（另外加一服務費）💵。呢個套餐真係好抵食，每一道菜都好精緻，好啱想試多啲唔同款式嘅朋友 🍝！—————————————————
🍞 House bread 餐廳自家製嘅麵包，有堅果提子乾味同埋番茄味，仲可以配埋松露蛋黃醬一齊食，真係好開胃。
~STARTERS~🍅 Tomato Bruschetta 烤蒜包上面鋪滿咗新鮮嘅番茄，好清新。
🐚 Sauteed Clams (+$48)辣檸檬同埋白酒湯底煮嘅蜆，好鮮味，仲有脆脆嘅佛卡夏包，正！
~MAINS~
🦐 Prawn & Asparagus Risotto (+$28)大蝦同埋蘆筍嘅意大利飯，加埋 creamy 嘅龍蝦湯，真係好食到停唔到口。
🐷 Roasted Italian Suckling Pig (+$58)烤意大利乳豬，肉質好嫩滑，配埋薯蓉同埋黑森林蘑菇醬，好滿足。
~DESSERTS~
🍰 Alonzo's Signature Tiramisu 餐廳嘅招牌提拉米蘇，好滑，咖啡味同埋可可味好濃。
🍮 White Chocolate Panna Cotta 白朱古力奶凍，配埋野生莓醬，甜度啱啱好，好解膩。
最後我仲嗌咗杯Auntie Maria's Aperol Spritz ($68)🍹，係食意大利菜必點嘅飲品呀，朋友就揀咗杯Latte ($18)☕️，都幾好飲。💰 總計: $796, 2位用餐(已包含10%服務費)
continue reading
話説 早幾日同爸爸👨🏻去咗鰂魚涌一間地舖食西餐有少少酒吧feel 見都幾多人開酒飲成個vibe好high 系high到爆嗰種😂喺嗰度心情會跟住好啲🤣.🔸Tasting menu $288/person(1 starter + 1 main + 1 dessert/coffee/tea)👍🏿Bread餐包 (FREE)有兩款 薄身嗰款系提子包硬身啲 食落香脆 個人覺得稍為乾身但好彩佢配咗一款truffle sauce黑松露味唔算好濃 mayo嘅味道出啲 同包幾夾🤣另外一款厚身啲嘅包幾好食~同樣烘到脆脆地 唔一樣嘅系中間軟熟啲 帶少少煙韌口感史努比鍾意後者多啲🤭味道: 7.5/10👍🏿Roman meatballs羅馬肉丸 +$38其實史努比向來唔太鍾意丸類嘅食物可能因為對佢嘅認知一直都只有港式肉丸同打邊爐嗰啲丸😂今次初嚐西式肉丸 估唔到原來幾好食喎😳質地軟淋 好有肉感 食落有汁 都幾juicy🤭配搭微酸嘅蕃茄醬 令佢冇咁greasy同肉丸幾夾🤪On top 嘅芝士雖然凍咗啲 但都唔會話硬晒 吊到啲鹹香味~味道: 7.5/10性價比: 7/10👍🏿Sauteed clams白酒炒蜆配意大利香草包 +$48蜆肉大隻飽滿 真系隻隻都夠肥美 咬落有汁爆出嚟🤤雖然唔算極鮮甜但新鮮嘅!檸檬味唔系好出 個汁純粹吊下味 唔會太鹹意大利香草包幾煙韌 有啲似酸種麵包食落帶微酸🤣記住趁熱要點嚟食 凍咗會變硬~味道: 7.5/10性價比: 7/10👍🏿Roasted Italian suckling pig意式烤乳豬 +$58中式乳豬你就食得多 西式嘅你又有冇食過呢😜賣相雖然唔系好似平時見慣見熟嘅乳豬但味道好香🤭乳豬食落鹹香十足!爸爸👨🏻話瘦嘅位比較鞋口但史努比覺得ok 都夠淋🤣邊邊位燒到有啲焦香🔥肥少少嗰啲一層層肥瘦相間嘅肉就當然淋啲啦🤭食落有油香之如又唔會話太greasy~配搭creamy嘅mushroom sauce帶少少黑椒香 令佢唔系一味得陣鹹味因為食多幾啖其實會覺得佢有啲太鹹🤣所以配埋蘑菇醬 感覺就好啲薯蓉好smooth 但唔知點解帶啲黏口🤔唔sure加咗啲咩食落唔算好重牛油香 反而薯仔味更突出味道: 7/10性價比: 6.5/10👌🏿Alonzo’s carbonara卡邦尼意粉配風乾豬面頰肉Carbonara少失望用咗粗身意粉可以叫做彈牙 但唔系煙韌似通粉咁嘅texture但系意粉形狀同埋唔知系咪忌廉落多咗 令到個sauce比較稀冇嗰種好濃稠杰身容易掛汁嘅creamy口感🥲不過加咗唔少芝士碎 所以都好夠味可惜就唔系史努比craving for嘅carbonara🥹味道: 6/10👍🏿Alonzo’s signature tiramisu招牌提拉米蘇Tiramisu好滑 cream好厚🤣帶mascarpone cheese嘅甜味就好似個入口即融嘅布甸咁😳💗中間嘅lady finger比較薄 質感濕潤除咗咖啡味之外仲帶淡淡嘅rum酒香On top沈咗啲可可粉 令佢overall唔會太甜幾好食!🤪味道: 8/10👍🏿Cheesecake芝士蛋糕配士多啤梨醬嚟到嘅時候史努比見佢擺盤隻色好紅其實唔系好鍾意 不過佢好食🤣Cheesecake夠軟滑佢嘅texture有啲特別 唔系太重芝士味比起美式cheesecake相對輕盈啲但如果同日式輕芝士蛋糕比較呢款又比較厚實🤣忌廉味都幾出 配搭酸酸甜甜嘅士多啤梨醬令成件事冇咁膩~餅底稍為厚身 濕潤鬆化 其實幾好食🤣味道: 8/10呢個價錢份量足 ok la🤭性價比: 7.5/10-*另設加一服務費*Overall雖然就唔系驚喜 史努比亦唔覺得佢好特別不過整體觀感唔錯~鍾意啲high爆嘅vibe嘅朋友可以一試但如果你鍾意靜靜地食餐飯嘅 呢間就未必啱你啦🤣.整體評分：味道: 7.4/10環境: 7/10服務: 7.7/10衛生: 8/10抵食: 7/10
continue reading
.‼️❤️ 記得CLICK我PROFILE關注我呀 ❤️‼️.🧑🍳 氣氛好CHILL嘅意大利餐廳 @ 🌟 Ask for Alonzo 🌟.💁♀️ 圖片展示美食為：Tasting Menu HKD 288 per personMy Grandpa's Spiked Lemonade HKD 78Cousin Vinny's Espresso Martini HKD 88.👽 喺同區返工嘅朋友仔介紹話呢間意大利餐廳，無論係食正餐，定係黎HAPPY HOUR都好爽皮，尤其而家呢個天氣特別適合坐出邊戶外位置，超級CHILL呀！.😋 一場嚟到，梗係試吓推介嘅「Tasting Menu」啦，包括前菜、主菜、甜品，選擇仲要好多樣！.🧆 前菜先黎個地道嘅「Roman Meatballs」，肥大肉丸真係好吸引，佢嘅番茄醬同埋帕瑪森芝士簡直係絕配，仲要拉絲，超邪惡！.🍲 另一款揀左「Sauteed Clams」，大蜆好鮮味，湯汁係檸檬同白酒味，再配上脆脆嘅意式餅，好有意式風味。.🦐 主菜呢就試下「Prawn & Asparagus Risotto」，大蝦配蘆筍意大利飯真係無得輸，好多隻蝦，新鮮彈牙，再加上濃郁嘅龍蝦濃湯煮嘅飯特別綿密。.🍖 另外就係推介嘅「Roasted Italian Suckling Pig」，意大利嘅燒乳豬，外脆內嫩！仲有薯蓉同黑森林蘑菇醬，真係啖啖都係肥美！.🍰 甜品咁當然要揀最地道嘅「Alonzo's Signature Tiramisu」，甜中帶有濃郁嘅咖啡香。同埋店員推介嘅「Cheesecake with Strawberry Sauce」，芝士蛋糕口感好綿密，配士多啤梨醬帶甜酸，絕對係成餐飯一個最完美嘅結尾！.😍 呢度嘅店員真係服務好有熱誠，整個用餐氣氛好CHILL，最鍾意有露天座位，絕對值得黎試下。.📍 鰂魚涌英皇道979號太古坊電訊盈科中心地下6號鋪.‼️❤️ 記得CLICK我PROFILE關注我呀 ❤️‼️.💯 最真實的美食點評 ❤️ 歡迎報料 ❤️.꧁𖠌ꕥ𖠌ꕥ𖠌ꕥ𖠌ꕥ𖠌ꕥ𖠌ꕥ𖠌ꕥ𖠌ꕥ𖠌꧂.
continue reading
-Sauteed Clams 配料放很足，沙白蜆肉質豐滿~而且完全沒有沙。吃得很滿足。-Roman Meatballs 肉質鬆軟、多汁。上面滿滿的芝士~ 很好吃！肉丸蠻大顆的~番茄醬都被我們吃光了。-Prawn & Asparagus Risotto 能吃出龍蝦汁和番茄的味道。飯軟硬適中！ 很喜歡多醬汁~ -Roasted Italian Suckling Pig 這個豬皮好吃。欣賞醬汁有點醋味道，整體吃起來也不膩。醬汁下面是薯蓉。豬肉有用鹽腌製過哦~還有甜品的提拉米蘇！上面滿滿的一層粉！整體吃起來蠻飽的！
continue reading
久違的「獨自去偷歡系列」🤣，今日自己靜雞雞訂咗呢間餐廳食lunch🤭接近中午時突然諗因間食咩好呢，見到呢間可以book位喎，咁就試吓book一位！在之前喺官網見到，餐廳lunch係有ABC三個餐單嘅，每個餐牌嘅主菜都有啲唔同，而且係隨機出餐牌，今日係C號餐牌，套餐包兩道菜及飲品咖啡或茶，平均$158起，視乎菜式有冇另外加費😊▪️落咗單後會先上：松露醬/麵包～麵包都幾軟熟，松露醬好香同濃稠，超正▫️然後到頭盤：凱撒沙律（日系，海苔絲、漬物）▪️再來是飲品：凍茶（not港式檸檬紅茶）細細杯在肉醬意粉上碟之前，小妹見唔少客人都叫三文治配薯條、烤雞配薯條🍟，肉眼見佢個份量好多😱，令小妹決定下次再嚟幫襯要食有配薯條嘅餐😍▫️店員見你食完頭盤後先會上主菜：肉醬意粉（意粉方形粗條、麵質彈牙/肉碎都算多、醬汁味道酸甜酸甜，唔錯）鰂魚涌呢間Ask For Alonzo可能因為店舖面積細，導致室內人多較為嘈吵，嘈吵程度係明明用耳機聽緊歌都被嘈到要收埋個耳機😱，小妹認為坐室外可能會相對好啲！
continue reading