小男孩 (Closed)

今日有屋企人生日，去左銅鑼灣呢度，呢間叫小男孩屬於意大利菜既餐廳慶祝食慶生飯，家姐係呢度訂左位，自己就係第一次黎呢間度食，自己都無聽過呢間，又無啦啦平日唔會walkin 上黎呢食搵食，今次係抱住試既心態上黎食下野。首先，一入去感覺幾舒服，環境非常舒適，幾有氣氛，呢度比我既第一印象都不錯。咁一開始我地order左冷盤先，係咩？就係我地成家都鍾意食既生蠔，我地係order左個海鮮盤，佢地既生蠔，每一隻都好鮮味好肥美，十分有水準，真係確係抵鑽。我地一共都有5個人，都分別order左不少既野食，例如肋骨拼薯條、 車打芝士藍貝、pizza、同埋意大利飯、羊架等等。最後，甜品就叫左心太軟與Tiramisu。我地食左好多野，總體黎講都算係不錯，我特別係鍾意意大利飯，但一碟既份量不多，如果share既話只係分得好少，唔太夠。希望下次試下其他菜式。