專業咖喱皇 (Closed)

睇openrice其他食家介紹,又想試D好食o既咖喱,所以尼試試,時為星期日晚七點,一個客都冇.我其實唔係咁食得辣,職員介紹個意大利芝士蒜蓉咖喱,我就試個魚及配白飯.喱隻咖喱味道較濃,唔係咁辣,而且比較粗粒,食落仲有小小一粒粒o既咖喱粉喱度.睇落就加左白白地色o既芝士同蒜蓉,但味道就食唔出,因為咖喱味實在太濃,將芝士同蒜蓉味完全遮蓋.魚就用左雪藏魚柳,大衣魚或龍柳之類,三大塊,較硬身,但唔緊要,魚係配菜,咖喱先係主角.職員好好人,六七種咖喱逐樣介紹,有尊貴感覺.