Video
Read full review
2023-02-26
128 views
🌟餐廳：AMA Ristorante📍地址：灣仔莊士敦道208號 25樓💰價位：～$400 - $800⏰營業時間：星期一至日 12:00 - 00:00📱電話：3702 0806意大利菜大多以新鮮蔬菜、芝士及高質Cold Cut 入饌，食材夠新鮮及富有地中海特色之餘，亦夠哂健康～朋友最近介紹左我去呢間位於灣仔樓上餐廳「AMA Ristorant」，由意大利人經營，無論裝潢定菜式都充斥著傳統意式風味！今日就約埋齊齊去試下正宗既意大利菜！餐廳位於208 JOHNSTON既25樓，落地大玻璃將整個灣仔既景色盡入眼簾，環境裝修及陳設充滿意大利街頭小鎮色彩，令人有一種既舒服又慢活既感覺～今日就揀左午市lunch buffet，價錢由HK$288起，Buffet 主菜每星期都會推出唔同款式，所有食材皆由意大利食材入口商及網店 Borgoviv 提供，配合埋意大利廚師團隊精心製作，由食材到成品都帶來意大利最地道美味，真係令我地超期待！！———————————————————🌟Business Set Lunch Menu🌟Starter🔹Italian House Bread Platter食意大
📍地址：灣仔莊士敦道208號 25樓
💰價位：～$400 - $800
⏰營業時間：星期一至日 12:00 - 00:00
📱電話：3702 0806
意大利菜大多以新鮮蔬菜、芝士及高質Cold Cut 入饌，食材夠新鮮及富有地中海特色之餘，亦夠哂健康～朋友最近介紹左我去呢間位於灣仔樓上餐廳「AMA Ristorant」，由意大利人經營，無論裝潢定菜式都充斥著傳統意式風味！今日就約埋齊齊去試下正宗既意大利菜！
餐廳位於208 JOHNSTON既25樓，落地大玻璃將整個灣仔既景色盡入眼簾，環境裝修及陳設充滿意大利街頭小鎮色彩，令人有一種既舒服又慢活既感覺～今日就揀左午市lunch buffet，價錢由HK$288起，Buffet 主菜每星期都會推出唔同款式，所有食材皆由意大利食材入口商及網店 Borgoviv 提供，配合埋意大利廚師團隊精心製作，由食材到成品都帶來意大利最地道美味，真係令我地超期待！！
———————————————————
🌟Business Set Lunch Menu🌟
Starter
🔹Italian House Bread Platter
食意大利菜，又點少得麵包籃 x 意大利黑醋及橄欖油呢
餐廳提供左4款自家制意大利麵包，有軟有硬，各有特色，我哋就最鍾意芝士香草軟包，啖啖芝士味搭配微微酸既黑醋及橄欖油，好食到令人停唔到口!!
🔹Grandma's table antipasti selection from Borgovivo (All you can eat buffet)
一入到餐廳已經比放置係正中央既buffet 枱吸引住，有齊各款意大利傳統特色頭盤美食，擺放得好精緻，任君選擇～
-新鮮沙律菜有齊菠菜、火箭菜、羽衣甘藍～
-芝士提供左4-5 款，包括我既最愛Burrata Cheese！！
-Cold cut 有齊唔同age 既Parma Ham、煙三文魚、Salami 及牛肉～
-另外仲有各款用上意大利橄欖油浸制既蔬菜、燒粟米及蜜瓜等等～
食物種類夠哂多元化，呢個主打意大利家庭既Grandma’s Table 認真出色，每款頭盤都食得好滋味，夠哂正宗又豐富，大推！！！
———————————————————
Main Course
🔹Grass Fed Natural Agentina Premium Beef Sirloin Chargrilled with Balsamico and Rocket
呢份阿根廷草飼牛西冷炭香味及牛肉味道都好濃郁，仲加左少少橄欖油及意大利黑醋，食落味道更有層次感～我哋叫咗7成熟，餐廳細心幫我哋切開牛扒，肉質厚身鮮嫩多汁，煎嘅時間掌握得一流，好正！
🔹Grilled Barramundi Fish Fillet with Lemon and Olive Oil Sauce
意大利近地中海，當地既人烹煮海鮮的確有一手，我哋就叫左呢一款香煎尖吻鱸魚扒～賣相同擺盤都好精緻，鱸魚扒煎得外皮焦脆，肉質保持嫩滑而且啖啖肉，簡單用上鹽作調味煎制已經鮮味十足～
———————————————————
Coffee
🔹Iced Americano
🔹Latte
食飽之後，當然order返兩杯咖啡，chill 住咁坐吓傾吓計～Ice Americano 咖啡豆味道nutty，飲落夠哂香醇，好提神～Latte 既拉花濃厚又精美，奶味香濃，調制得好出色～
———————————————————
😋味道：4.5/5
🏢環境：4.8/5
💁🏻♀️服務：4.5/5
💵價錢：4/5
🤟🏻性價比：4.5/5
———————————————————
👅整體小總結
呢間餐廳無論環境、裝修、服務及食物質素都好高質～餐廳嘅牆身擺放左一部特大LED電視機，播放意大利街頭嘅景色及各式各樣建築物，一路望住一路食，猶如置身喺意大利街頭嘅餐廳一樣～令人食得好enjoy！！餐廳仲配有一個小露台，食客可以選擇戶外用餐，享用陽光與美食，夠哂chill！如果有朋友仔生日想慶生既話，提早同餐廳預約仲可以播放生日歌影片，so sweet！
食物方面，意大利藉既主廚烹煮出各種傳統意大利菜，夠晒正宗，我哋食飯當日亦見到好多外藉人士幫襯，可見食物質素夠哂高，真心推介大家嚟試吓！
Post
