Video
Read full review
2023-02-16
27 views
入座之後，員工都好熱情招呼，枱面上有個QR code, 一scan發現原來就係晚餐嘅6-course menu. 由於一早book定位，menu上面甚至會有客人嘅名稱，十分貼心。而每一道菜店員都會用手推車送過黎，再逐樣介紹，同埋介紹食材嘅背景同食法，再送上香檳。一開始第一道頭盤己經好豐富。首先有三款唔同年份嘅黑醋，分別係12/25/50年，質地厚身，每一款都配上一塊芝士，俾客人夾埋一齊品嘗。然後再有sevruga/osietra/beluga三款魚子醬，特別係beluga caviar ,最為珍貴同罕有 。另外再配上餐前麵包同橄欖油，橄欖油甚至有特製嘅銀碟裝住，十分講究。最後仲有用玻璃小杯裝住嘅吞拿魚，同時配上osietra caviar，海膽再加上金箔，更為矜貴。下一道開胃菜係意大利紅蝦Tartare配上黑松露，店員建議每一啖都要食到哂所有食材，就可以同時品嘗到蝦嘅鮮味同松露香味。第三道" A mushroom into the sea"。雖然望落好似成份就係一舊菇，但原來只有最頂係牛肝菌，中間其實係來自日本嘅帶子，最底係薯仔，另外配上黑松露，蛤肉同青口，同樣地每一啖都建議要食到唔同
一開始第一道頭盤己經好豐富。首先有三款唔同年份嘅黑醋，分別係12/25/50年，質地厚身，每一款都配上一塊芝士，俾客人夾埋一齊品嘗。然後再有sevruga/osietra/beluga三款魚子醬，特別係beluga caviar ,最為珍貴同罕有 。另外再配上餐前麵包同橄欖油，橄欖油甚至有特製嘅銀碟裝住，十分講究。最後仲有用玻璃小杯裝住嘅吞拿魚，同時配上osietra caviar，海膽再加上金箔，更為矜貴。
下一道開胃菜係意大利紅蝦Tartare配上黑松露，店員建議每一啖都要食到哂所有食材，就可以同時品嘗到蝦嘅鮮味同松露香味。
第三道" A mushroom into the sea"。雖然望落好似成份就係一舊菇，但原來只有最頂係牛肝菌，中間其實係來自日本嘅帶子，最底係薯仔，另外配上黑松露，蛤肉同青口，同樣地每一啖都建議要食到唔同食材。特別係帶子，唔需要額外再另加調味已經好有鮮味。
呢一道係日本海膽，魚子醬加上意粉. 意粉韌度啱啱好，creamy得黎都唔會太滯，同時都食到海膽同魚子醬嘅鹹香。
主菜係用豬面頰肉包住龍蝦肉，再加上用西蘭花製成嘅醬汁。龍蝦肉非常彈牙爽甜，配上較為煙韌嘅肉，另外醬汁好清新，整體口感好有層次。
最後甜品有好多款式，以大玻璃碟上枱，個人最鐘意最後送上嘅dessert wine.
Post
