素食一家 (Closed)

今日和素食朋友食飯，所以今次專登試這間店，這店一直都成日經過但成日都想食肉，今次難得去十分期待！～今日約左8點大約等左15分鐘已可入座，坐得舒服坐置大，但茶方面比較淡，餐牌都見到有吾同款式的菜，竟然仲有水煮添，但朋友吾可以食辣關係都係清淡為主，最後我地3個人結帳每人＄150都合理價～白麥汁 $22 和 天然蘋果醋 $18：白麥汁係有酒精啤酒，本人就覺得好一般，黑麥汁甜返少少會好飲點！～蘋果醋正常味可消滯。紅燒野生竹笙素翅 $38：偏淡，配料不多，有點失望。酸辣燴素翅 $35：味道剛好有輕微辣，配料反而這個比較多，食落口口素翅，推介好味道。炸龍蝦球 $72：熱乎乎黎到每人都有2粒都份量正常，沙律醬同普通都有少少不同，偏水但味道足，龍蝦球好似，口感十足好彈牙。荷塘吐豔 $108：黎到已覺漂亮，下面全都係西蘭花一，上面係冬瓜切薄片再包住蓮子，好香蓮子香同好清新，琉璃汁煮得吾錯吾太杰身，食落去好舒服但又飽肚。意式田園薄餅 $108：勁多芝士好驚喜！～入面料夠多沙律醬又好味道，菠蘿黃椒多口口料，餅底夠脆同吾硬身，味道剛好又份量大，推介好味道。