Little Napoli (Moved) New Location

最近心癢癢好想食pizza, 諗起之前黎過嘅呢間pizza 餐廳，決定再訪。呢間餐廳好細，只有兩張枱做堂食，主要係以外賣為主。如果想搵環境好又坐得舒服嘅話，呢度未必係你嘅選擇。店舖以藍白色嘅裝修為主題, 打卡都幾唔錯。當日晚上七點到店，等咗大概20-25分鐘有位（同時等pizza，因為佢有好多外賣單都需時）都可以接受。🍕今次叫左#4 Diavola,新鮮出爐熱辣辣，蕃茄醬汁幾出色，配上芝士超正, 用傳統意大利做法火爐高溫烤焗, 薄餅焦烤香煙韌，建議對摺或捲起食。餅底屬於簿身，個人略嫌中間太簿，食起上嚟有啲論盡😅同埋今次餅底有啲位比較燶。第二次到訪都依然覺得好味😋