Video
Read full review
2017-09-29
1613 views
今日成朝喺銅鑼灣開會，晏晝都無時間食，攪點晒都已經四點，終於可以鬆一口氣，好想食我最鍾意嘅漢堡包，獎勵自己今日噤勤力！ BIG FERNAND 法式漢堡包記得喺銅鑼灣有，就去食個豐富午餐。喺白沙道旺中帶靜，用石牆加黑色鐵支嘅裝飾，長形原木枱加上鐵製高櫈，喺鎢絲燈光有一種法式古典工業風。本來想叫素食磨菇漢堡，不過抵不住小牛肉嘅誘惑，其他仲有雞肉，羊肉，牛肉加煙肉，最後都係揀精選推介小牛肉子爵漢堡，加$50就可以要埋套餐，有薯條同沙律可以揀，仲有飲品。喺櫃枱後面就係廚房，落咗單廚師即叫即煎牛肉，叫咗 medium rare。見到已經好想食！等咗十分鐘店員就送上用金屬托盤裝住嘅套餐，個 feel 好夾店裡D裝飾。漢堡用紙包住，打開見到漲卜卜嘅包面有芝麻，輕輕力㩒下軟淋淋，一啖咬落去，真係好鬆軟。牛肉好鬆化又多肉汁，質感又有咬口，唔會散晒噤，肉味又好濃。咬落去有啲堅果碎，脆脆地口感幾特別，配菜有焦糖洋蔥加法式小蔥花，仲有半溶芝士，醬汁用蛋黃醬。整體口感鬆軟、脆口、柔滑，味道甜甜地好特別。食漢堡包一定要配埋薯條，加上係自家製，炸得外脆內軟，又有薯仔香味，外面用香蒜紅椒粉調味，辣辣地好惹味，完全唔
喺白沙道旺中帶靜，用石牆加黑色鐵支嘅裝飾，長形原木枱加上鐵製高櫈，喺鎢絲燈光有一種法式古典工業風。
本來想叫素食磨菇漢堡，不過抵不住小牛肉嘅誘惑，其他仲有雞肉，羊肉，牛肉加煙肉，最後都係揀精選推介小牛肉子爵漢堡，加$50就可以要埋套餐，有薯條同沙律可以揀，仲有飲品。
喺櫃枱後面就係廚房，落咗單廚師即叫即煎牛肉，叫咗 medium rare。見到已經好想食！等咗十分鐘店員就送上用金屬托盤裝住嘅套餐，個 feel 好夾店裡D裝飾。
漢堡用紙包住，打開見到漲卜卜嘅包面有芝麻，輕輕力㩒下軟淋淋，一啖咬落去，真係好鬆軟。牛肉好鬆化又多肉汁，質感又有咬口，唔會散晒噤，肉味又好濃。咬落去有啲堅果碎，脆脆地口感幾特別，配菜有焦糖洋蔥加法式小蔥花，仲有半溶芝士，醬汁用蛋黃醬。整體口感鬆軟、脆口、柔滑，味道甜甜地好特別。
食漢堡包一定要配埋薯條，加上係自家製，炸得外脆內軟，又有薯仔香味，外面用香蒜紅椒粉調味，辣辣地好惹味，完全唔係連鎖店啲幼薯條感覺。
招牌特飲係傳統檸檬汽水，味道酸酸哋好清新。漢堡包同薯條一定要有汽水先係絕配，一套齊晒。
下次再嚟要試下佢地嘅自選漢堡，由揀肉、配料、醬汁全部自己話事，發揮一下創意先。
Post
