喜遇 (Closed)

好耐冇去過港島區食野啦，今日想試下新野。今日去開灣仔，咁就灣仔搵食啦，行左好耐，都唔知食咩好，因為友人想食得舒適又出色。行行下，突然落起大雨，咁岩見到呢間餐廳，見到門面都唔錯，就入左去。入到去，我想坐埋邊，店員好貼心咁叫我唔好坐埋邊，因為風口大。👍餐廳裝修好有心思，以懷舊設計，都幾有特色。餐廳位置都算高檔，以為啲野食會冇咁地道。店內好多都係中國人帶老外黎用餐。心諗會唔會係啲厄鬼佬嘅餐廳。上左第一道菜就解除左我嘅疑惑啦。小籠包，拍得住知名上海店。松子魚，個汁酸酸甜甜，魚又炸得岩岩好，好好食。之後再黎一個一口獅子頭，2個人加多2碗白飯，岩岩好飽哂。值得一提，店員真係好有禮貌。