日泰郎放題料理 (Closed)

一開始梗係點咗一大盆刺身先,刺身盤一啲都唔馬虎,整整齊齊放滿刺身之餘,加埋煙霧離漫既效果,檸檬同青瓜片,忍唔到口啦! 幾驚喜嘅係刺身厚切,新鮮.三文魚腩好肥美.帶子又大大粒,正!炸物方面,一口黃金豆腐外脆內軟滑,入味香口,唔算油膩.不過個雞軟骨就炸得太over.我食親放題都要叫既香芋脆波同日式炸年糕,即叫即炸,熱辣辣奉上,忍唔住encore咗兩次. 豬頸肉薄切多肉少肥,啱晒我口味!除咗寫紙仔點菜之外,出面有個自助沙律吧,甜品區,飲品區,選擇好多,有蟹腳,螺肉,海蜇,蝦,泰式酸辣鳳爪,沙律,熱湯等等...泰式炒金邊粉彈牙,炒得夠乾身,唔錯唔錯!本來想試下火鍋,不過我地已經食到好飽,所以無叫到,下次要試試!比起出面集團式果幾間最出名既放題店,以呢個價錢相比平好多,雖然裝潢一般,但係勝在放題質素算好,又有泰國菜式同埋火鍋揀,選擇多,同埋無漏單,職員有禮貌!可能有少少難搵同唔起眼啦, 下次會搵埋一大班朋友一齊黎聚會食野!