山見台式火鍋 (雅蘭中心)

Open Now

Now Closed

友人生日話想食台式火鍋，呢間大家都未試過，地點就腳就試一試。入座後上生料/小食都好快。牛肉質素穩定，叫左好多敵碟都依然係好靚好重牛味。小食比預期中好味，同一般台灣餐廳出品差唔多，尤其係炸物。差唔多食完，侍應都好識做，自動上蛋糕，仲有一班靚仔靚女獻唱生日歌，勁surprise。餐廳有自家製雪糕，冬瓜茶幾好味，綿滑無冰粒。甜品有好多款，有我最愛嘅芋圓同愛玉！可惜作戰力不足，好多款都未試到就飽飽lu。但大家都覺得呢個食物質素對得起價錢。最後想讚下餐廳侍應，佢地上菜，清理碗碟速度好快，唔洗提，十分主動。見我地撇緊火鍋嘅油，又主動比乾淨嘅飯碗幫我地換。