麻神麻辣火鍋 (Closed)

麻神，聽過好多次，終於有機會黎食~一行4人，難得約齊可以打邊爐，超開心!打邊爐最好就係唔使就黎就去想食咩.....黎到麻神，估唔到環境幾好，地方大，座位寬敞坐得舒服，可以邊碌邊慢慢食!我地4人唔算叫得多野.......一黎就叫左個麻辣鍋拼花膠雞鍋，呢個湯底兩隻味，食辣同唔食辣都唔怕~要讚讚個花膠雞湯底，超濃味，雞嘅精華完全係哂度，呢個好推介!!!至於麻辣湯，係呢度出名嘅，食落係麻香濃，但辣味唔會太勁.....食物方面叫左炸魚皮、鵝腸、丸拼盤、餃拼盤、牛舌芯、元蹄根、牛頸脊、紫淮山等........牛頸脊推介，脂肪較少，但食落超濃牛味，啖啖油香加埋麻辣湯一啖入口，超爽!特別推薦大家叫丸拼盤及餃拼盤，款式多，一次過可以食到唔同款，好正~綜合丸子拼盤有齊豬、魚、墨魚、蝦丸，食落係超彈牙，估唔到咁好味~綜合鮮餃拼盤同樣出色，有魚皮餃、九菜餃、冬古椰菜餃、鮮蝦雲吞，超豐富，食到好滿足!!!整體黎講，呢度食物質素高，而且湯底好惹味，有機會可以再黎食~