Video
Read full review
2013-10-27
434 views
平時經過，完全唔會諗住幫襯呢間餐廳，因為覺得佢用明星作招徠，唔會好食得去邊，我地又唔係追星族，所以冇必要揀呢度啦！今晚同家姐食飯，可能姐夫從事飲食業，所以呢間餐廳反而引起我家姐興趣，打破左此餐廳不入既諗法，估唔倒佢為我地帶來驚喜。叫得Baby Cafe，成間餐廳都勁多Angelababy肖像，如果同男友嚟，我唔建議囉... 無謂讓男伴唔覺意望相望人做左比較唔開心啦！(wahahaha)成間餐廳以黑白為主，都幾多卡座，又有好幾個可容納5人左右既球體座位，幾得意。餐牌都係用Baby個樣做封面，除左少少前菜，就係已定既是日晚餐，可選湯或沙律作頭盤，主菜有成15款，都幾多得揀，另有餐茶(咖啡﹑茶或果茶)，除左揀牛扒要加$20外，所有食物都係一律$128，另計加一。我地三人分別揀左牛扒﹑海鮮意大利飯同黑椒海鮮意粉，另外再點一客拔絲雞翼同墨西哥粟米片(配鷹咀豆及芝士肉醬)。餐廳先送上免費小吃，係忌廉芝士蕃茄片，跟住上湯及沙律，是日餐湯係周打魚忌廉海鮮湯，我就選吃芒果蝴蝶粉沙律，兩者都有跟餐包。沒多久主菜同小吃陸續嚟，廚師推介既拔絲雞翼其實係喺普通炸雞翼上再加拔絲(糖絲)，兩者冇特別交流，得個樣，但
叫得Baby Cafe，成間餐廳都勁多Angelababy肖像，如果同男友嚟，我唔建議囉... 無謂讓男伴唔覺意望相望人做左比較唔開心啦！(wahahaha)成間餐廳以黑白為主，都幾多卡座，又有好幾個可容納5人左右既球體座位，幾得意。
餐牌都係用Baby個樣做封面，除左少少前菜，就係已定既是日晚餐，可選湯或沙律作頭盤，主菜有成15款，都幾多得揀，另有餐茶(咖啡﹑茶或果茶)，除左揀牛扒要加$20外，所有食物都係一律$128，另計加一。我地三人分別揀左牛扒﹑海鮮意大利飯同黑椒海鮮意粉，另外再點一客拔絲雞翼同墨西哥粟米片(配鷹咀豆及芝士肉醬)。餐廳先送上免費小吃，係忌廉芝士蕃茄片，跟住上湯及沙律，是日餐湯係周打魚忌廉海鮮湯，我就選吃芒果蝴蝶粉沙律，兩者都有跟餐包。
沒多久主菜同小吃陸續嚟，廚師推介既拔絲雞翼其實係喺普通炸雞翼上再加拔絲(糖絲)，兩者冇特別交流，得個樣，但炸雞翼做得唔錯喎。墨西哥粟米片除了有面層既焗芝士肉醬，亦配酸忌廉同莎莎醬，好味。再嚟就係我既牛扒，冇諗過會用鐵板上，要是知道的話一定會轉碟，沒想到牛扒竟有牛味，有點驚喜，配菜都唔係一般雜豆薯條，反而係炸洋葱圈﹑秋葵同疑似煎餃，幾特別。忌廉海鮮意大利飯則以魚作主要海鮮料，另有少少蝦粒夾於飯中，飯都好creamy，口感唔似平時正宗risotto，反而啱我口味。二姐點的黑椒海鮮意粉就遲遲先到，但煮得幾好，意粉唔會太腍，大大隻蝦唔講得上超新鮮，但絕對冇霉既口感。最後送上免費甜品（水蜜桃嗰類）及是日餐茶（荔枝茶）。
整體嚟講，食物質素估唔到幾好，唯獨係冷氣超凍，店員效率﹑態度仍有待改善，不過當中都有兩位店員服務尚可既，價錢一般啦！不過坐得幾舒服，但如有人等枱，咁客人就要喺入座後開始計，90分鐘內走嘞！
Post
