施心畢老撾餐廳

Open Now

Now Closed

男朋友今日帶左個驚喜比我，話帶我去食老撾菜。平時泰國越南菜就食得多，老撾菜真係未聽過。入門口前見到好多新聞剪報，話老闆原來係老撾皇族後裔，又係美國軍校受訓，加添餐廳嘅神秘感。入到餐廳聞到滿滿清新嘅香茅味，充滿東南亞風情。老撾鄰近泰國，所以菜式語言都有啲相似。菜單仲用左好搞鬼嘅泰文諧音做菜式名，好有趣。我地兩個人點左好多個餸：鹽酥魷魚、是拉差牛油雞翼、網蝦紙米卷、牛肉牛丸湯全米、鄉下炒飛機芥蘭。每道餸都係一流。鹽酥魷魚，開胃可口，再加上特色醬汁簡直一絕；牛油雞翼香氣撲鼻、油份豐盈香腴；紙米卷清新得來不寡味；湯全米湯底清爽順喉；炒芥蘭配有蝦米乾和炒豆，又爽又脆！同泰國菜好似，但係冇咁咸同濃味，稍為偏向清甜風，好特別。我地仲點左兩杯野飲，南薑香茅梳打同龍眼冰，味道都係與別不同。最後意猶未盡，食多個芒果糯米飯作結，除左鮮甜嘅芒果同椰汁之外，上面仲舖上新鮮椰子絲，真係別出心裁。順帶一提，餐廳入面嘅碟都係仿照傳統嘅老撾竹碟特別製造，食起來份外有風味。咁用心嘅老闆同餐廳，真係值得一去再去！