Coti the Bistro (企業廣場)

Open Now

Now Closed

成日經過企業廣場，都無咩留意郵局對面依間Coti The Bistro。今日放工又唔想去太遠食晚飯，見餐廳有做晚市（依頭嘅食肆大多只做午市），所以就入去喇。估唔到不論環境同食物都有質素，真係有啲意想不到的驚喜。Dinner set 配有是日餐湯同蒜蓉包。忌廉蘑菇湯好足料、而蒜蓉包味都都唔錯。主食：香脆軟殼蟹漢堡包配牛油果，泡菜，蕃薯條原隻軟殼蟹嘅漢堡包宜家好多餐廳都有提供，要做到令人一試難忘，難度比以往自然高好多。Coti嘅依個香脆軟殼蟹漢堡包，特別在以泡菜作為漢堡包嘅其中一種餡料，泡菜嘅辣同軟殼蟹都幾夾。主食：慢煮烤雞配霹靂葡汁、雜錦沙律慢煮烤雞皮脆肉嫩，就算係雞胸位置，雞肉都唔韌。配上餐廳調配嘅霹靂葡汁，少少辣，襯哂啲雞肉。甜品：烤棉花糖朱古力依個甜品不得不提。棉花糖烤到軟棉棉，入口絲絲融化，沾上喺底下嘅消化餅餅碎，加埋面頭嘅朱古力醬，好邪惡但好好味。飲品：棉花糖泡泡咖啡賣相精美，用嚟打卡影相，相當唔錯。味道唔會太甜，無蓋過咖啡嘅香味。飲品：焦糖布甸咖啡香濃咖啡中帶一點焦糖嘅香甜，味道都唔錯嫁。