加多娜天然酵母手作麵包店

Open Now

Now Closed

今天經過油麻地，離遠見到有好多人企係某間舖位，自己八卦走上前看，原來就是聞名不如見面的「加多娜天然酵母手作麵包店」，出面和入面都人山人海， 自己就湊下熱鬧入去買咗個提子鬆餅、咖啡鬆餅、椰撻、迷你叉燒酥和原味泡芙! 個迷你叉燒酥細細個 ，非常足料，味道可以，好飽肚! 椰撻好香脆又不太甜，又有椰蓉香，好新鮮! 至於個提子鬆餅和咖啡鬆餅就外脆內軟，非常鬆化 ，而且又香噴噴，食落不會覺得太油膩! 個泡芙就肯定冇得輸， 外皮很鬆化， 啲cream勁多又香滑，又不會太甜，實在一吃難忘!如果大家經過油麻地碧街， 不妨去這間餅店看看，令你有意想不到的收獲!