香山家宴 (Closed)

平時同朋友去食飯都好少會揀去中菜，第一怕嘈，第二，大多數都係大集團，無咩特別。今日去灣仔搵朋友食飯，兩個人盪下盪下來到分域街，條街有點冷清，因為好多街鋪都無咗。心灰意冷嘅時候，朋友發現門面幾Chinese Style嘅店。 我地好似沙漠裡發現綠洲的感覺。睇吓個餐牌，價格都唔貴，咁咪入去試下。店門口在街上，入到去原來要上一層，都OK。跟住原來裝飾優雅，一d都唔‘娘’，大廳不算大，約10張檯，檯與檯之間都好寬闊，唔洗強逼我聽鄰檯的對話！今次點咗「紅糖黑醋小豬柳」（$268）酸甜味道好味，豬肉都好爽口。飲咗個「海馬海皇燉花膠」（$388）膠口但不膩！再加一道「紅酒凍鵝肝」（$498）同西式煮法截然不同！我唔係食家，唔識講點好食，但就感覺好特別，會回味啊！