Video
Read full review
2024-10-06
159 views
#觀塘搵食又到一星期一次，二人成團搵食遊。今次就碌左去觀塘搵食，去左位於成業工業中心的牛霸王晚餐。舖頭都相當近觀塘地鐵站，大約行5-10分鐘就可以到；然後搭電梯上一樓，一出電梯轉左就會見到。但我地去到發現所有手打和牛漢堡系列都完售🥲真係相當傷心💔下次可能要抽平日夜晚去先可以食到了。舖頭裝修行日式簡約風格，環境算乾淨，有種日式家庭作業的餐廳感覺。侍應都係得兩個，已經係睇曬全場，出單同上蔡。餐膳種類唔算太多，但一場來到，我地都依然坐低叫左兩個飯同兩款小食；但就無得食好味的手打和牛漢堡系列了。我地分別order左日式厚切叉燒溫泉蛋飯，咖喱吉列豬扒飯，佩兩杯凍蜂蜜綠茶。厚切叉燒真係好厚切，我覺得味道同日式叉燒有D唔同，相較日式叉燒鹹，口感亦都無咁柔軟，有咬口D。配溫泉蛋味道幾夾，加埋熱辣辣米飯，又別有一番風味。至於咖喱吉列豬扒，味道就相較厚切叉燒更佳，豬扒雖然唔算好厚，但炸得啱啱好，粉漿唔會太厚，肉質唔會太柴，亦都唔會太乾。咖喱偏向香港人口味，無日本咖喱咁甜。除此之外，我地仲order左一份加配細份既炸芝士同雞皮餃子；同樣係新鮮炸出來，相當認真既製作。但有要留意，芝士並唔係拉絲款，更偏向係班融
又到一星期一次，二人成團搵食遊。今次就碌左去觀塘搵食，去左位於成業工業中心的牛霸王晚餐。舖頭都相當近觀塘地鐵站，大約行5-10分鐘就可以到；然後搭電梯上一樓，一出電梯轉左就會見到。
但我地去到發現所有手打和牛漢堡系列都完售🥲真係相當傷心💔下次可能要抽平日夜晚去先可以食到了。舖頭裝修行日式簡約風格，環境算乾淨，有種日式家庭作業的餐廳感覺。侍應都係得兩個，已經係睇曬全場，出單同上蔡。餐膳種類唔算太多，但一場來到，我地都依然坐低叫左兩個飯同兩款小食；但就無得食好味的手打和牛漢堡系列了。
我地分別order左日式厚切叉燒溫泉蛋飯，咖喱吉列豬扒飯，佩兩杯凍蜂蜜綠茶。
厚切叉燒真係好厚切，我覺得味道同日式叉燒有D唔同，相較日式叉燒鹹，口感亦都無咁柔軟，有咬口D。配溫泉蛋味道幾夾，加埋熱辣辣米飯，又別有一番風味。
日式厚切叉燒溫泉蛋飯
$78
41 views
0 likes
0 comments
至於咖喱吉列豬扒，味道就相較厚切叉燒更佳，豬扒雖然唔算好厚，但炸得啱啱好，粉漿唔會太厚，肉質唔會太柴，亦都唔會太乾。咖喱偏向香港人口味，無日本咖喱咁甜。
咖喱吉列豬扒飯
$88
28 views
0 likes
0 comments
吉列豬扒
25 views
0 likes
0 comments
除此之外，我地仲order左一份加配細份既炸芝士同雞皮餃子；同樣係新鮮炸出來，相當認真既製作。但有要留意，芝士並唔係拉絲款，更偏向係班融化的口感，食落去奶味都相當足。
一口芝士
6 views
0 likes
0 comments
一口芝士（加購優惠）
$18
11 views
0 likes
0 comments
雞皮餃子做得相當精緻，外皮炸到脆卜卜，肉質keep到嫩滑多汁；都可算係一個驚喜之作！
雞皮餃子
$58
17 views
0 likes
0 comments
雖然和牛漢堡就暫時未食到，但舖頭內的炸物都做得相當唔錯，推介朋友仔試，就算無和牛漢堡都可以考慮下其他炸物！
📍 牛霸王 (觀塘)
觀塘成業街19-21號成業工業大廈1樓26號舖
Post
