牛之館 (Closed)

每次一出旺角Exit E，都會見到一堆眼顧四周，派傳頭好快手嘅「姐姐」（當然都有男人）今次再行經，受一個「姐姐」熱情推介，話新餐廳，主打日式放題。盛情難略下，反正都係要dinner，見價錢都公道，就去試試佢口中介紹嘅呢間－牛之館！由店員carry下被安排到全餐廳嘅角落位，一眼睇晒成間餐廳嘅裝潢，日系嘅粉色跟線，令我有啲意外，感覺似春天去咗日式賞櫻咁。放題都係普遍嘅自助模式，牛豬雞等則由app點餐，而菜、菇、麵食、丸餃類等則全部外邊自取，另外一讚仲有小小炸物同熟食，而飲品方面選擇唔算好多，反而雪糕有哈仔同Mov仔，算係幾意料之外！ 牛之館主打係牛，牛嘅質素又係點？答案係中上，以呢個價錢，可選擇嘅牛相當多，包括安格斯牛板腱、手切封門柳、安格斯牛小排、安格斯一口牛、牛五花、SRF及牛肩胛肉眼芯、澳洲草飼牛頸背等等！當然唔係套套牛都啱人口味，但選擇多經已係驚喜！不過牛始終有批次之分，所以肥瘦與否就真係視乎當日來貨。