Video
Read full review
2021-10-18
340 views
原本預計人均$150, 結果叫叫下食咗二百幾😂見啲相好靚，對味道期望唔大，結果味道出乎意料地好😋A. 蜂蜜蘋果咖哩雞肉烏冬隻咖哩類似759買到嘅加熱就食得嘅味道，再家常啲再甜啲，適合喜歡甜咖哩嘅朋友，我喜歡無咁甜辣啲啲嘅，呢款就還好。 配料有蘿蔔，薯仔，雞肉，煮得好腍好入味！至於烏冬就偏腍。B. 金平牛肉定食三位一致認同A to C中，呢個set最好味。洋蔥夠入味，甜中帶微辣嘅肥牛配啲爽口嘅蓮配，十分豐富呢！至於梅子飯，酸酸甜甜唔差嘅，但撈咗半粒梅已經好夠。C. 豚肉生薑燒定食好味嘅，洋蔥相對硬身啲無咁甜，生薑蓉只加係面頭，所以就咁食豚肉味道略微單調。定食之配菜1. 清酒醃糖心蛋蛋黃味道香濃，唔飲酒嘅朋友表示唔喜歡清酒味，但我食唔出。2. 麻醬菠菜口感有啲似韭菜， 麻醬味偏重，遮蓋咗菠菜嘅香味，唔食菠菜嘅朋友都接受到。3. 柚子醃蘿蔔酸甜嘅蘿蔔加甜嘅柚子醬，十分開胃👍🏻4. 麵豉湯材料十分豐富， 有豆腐皮，新鮮蜆肉同菇。 而且用茶杯盛載，食完直接拎起黎飲，幾有趣。加配：明太子富士山飯團打卡一流，味道唔差甜品： 香港奶茶・獅子山芝士奶蓋配XX茶蛋糕（即焗？等咗一段時間）十份match，而
見啲相好靚，對味道期望唔大，結果味道出乎意料地好😋
A. 蜂蜜蘋果咖哩雞肉烏冬
隻咖哩類似759買到嘅加熱就食得嘅味道，再家常啲再甜啲，適合喜歡甜咖哩嘅朋友，我喜歡無咁甜辣啲啲嘅，呢款就還好。 配料有蘿蔔，薯仔，雞肉，煮得好腍好入味！至於烏冬就偏腍。
B. 金平牛肉定食
三位一致認同A to C中，呢個set最好味。洋蔥夠入味，甜中帶微辣嘅肥牛配啲爽口嘅蓮配，十分豐富呢！至於梅子飯，酸酸甜甜唔差嘅，但撈咗半粒梅已經好夠。
C. 豚肉生薑燒定食
好味嘅，洋蔥相對硬身啲無咁甜，生薑蓉只加係面頭，所以就咁食豚肉味道略微單調。
定食之配菜
1. 清酒醃糖心蛋
蛋黃味道香濃，唔飲酒嘅朋友表示唔喜歡清酒味，但我食唔出。
2. 麻醬菠菜
口感有啲似韭菜， 麻醬味偏重，遮蓋咗菠菜嘅香味，唔食菠菜嘅朋友都接受到。
3. 柚子醃蘿蔔
酸甜嘅蘿蔔加甜嘅柚子醬，十分開胃👍🏻
4. 麵豉湯
材料十分豐富， 有豆腐皮，新鮮蜆肉同菇。 而且用茶杯盛載，食完直接拎起黎飲，幾有趣。
加配：明太子富士山飯團
打卡一流，味道唔差
甜品： 香港奶茶・獅子山
芝士奶蓋配XX茶蛋糕（即焗？等咗一段時間）
十份match，而且味道濃郁
奶茶味雪糕配apple crumble啲脆脆
入口有奶茶香，仲有啲茶甘添，十分喜歡
飲品：
蜂蜜牛奶：勁似奶粉開出黎嘅味道，我同朋友嘅評價兩極， 視乎你鍾唔鍾意奶粉味
抹茶latte： 抹茶味濃，奶味唔出
總體，飲品味道普通
環境：餐廳十分日式，卡位都坐得好舒服，只係坐得有啲近雪藏櫃，職員一打開有陣臭臭的雪藏飄出，有啲影響用餐體驗。
服務：侍應好nice，生日仲幫我地影即影即有。只係卡位自成一角，十有七唔應🤣一坐底仲有青瓜水同蝶豆花水，雖然無乜味😂
豚肉生薑燒定食
$138
34 views
0 likes
0 comments
蜂蜜蘋果咖哩雞肉烏冬
$128
29 views
0 likes
0 comments
金平牛肉定食
$138
28 views
1 likes
0 comments
青瓜水同蝶豆花水
14 views
0 likes
0 comments
香港奶茶・獅子山
$98
13 views
0 likes
0 comments
Post
