青悅 (Closed)

今日經過青衣城 見到有呢間叫青悅嘅越南料理 睇一睇個餐牌又唔係好貴 就入去試吓 起初入去之前見到網上嘅評語不佳 心諗你間嘢都應該普普通通 有評論話呢度啲員工冇禮貌又點又點 但係我嘅睇法exactly 相反 嗰度啲員工都懷著和藹親切的態度同埋有耐性咁去解釋每樣餸菜 十分之有禮貌 跟住我再睇啲評價就話啲食物完全唔掂 又話啲豬肉未熟又壞咗咁樣 但係我食呢個豬頸肉撈檬之後 完全冇問題 反而仲越食越滋味 之後再叫左個春卷 又脆又美味 臨走嘅時候啲員工仲會同我講多謝晒 拜拜 小心行 我十分推介各位以後到青衣城一定要試試佢 啲嘢食又掂服務態度又好 之後再經過我一定會再食 係咁多 唔信嘅人可以自己去試吓 包你食過返尋味