西餐大排檔 (Closed)

去完銅鑼灣買潤唇膏，覺得有點肚餓，突然想食吓西餐醫吓個肚。來到西餐大排檔，正在睇緊主菜單之際，職員親切的推介他們的幾款精選套餐。每款套餐是以不同的肉類作點題，一時間令我好難選擇。要食的套餐終於都選好了，不久便來了餐湯和牛油餐飽。我和老公點了一紅 (牛腩羅宋湯) 一白 (松露磨菇湯) 兩個餐湯。紅湯飲落好鮮味，而且用料充足，尤其是係牛腩，索哂 d 湯真係好腍好入味。而白湯有兩種不同口感，一邊食到粒粒磨菇，一邊嘗到松露的香味，加入忌廉增强了滑度。享用完餐湯之後，再過大約 5 分鐘左右，主菜要來啦~老公一向喜歡食牛，所以美國牛肉眼扒一定是他的不二之選。只要輕輕力就可以切開，食落口感是表面煎得好香，而中間是好軟身好滑，是好容易入口。而我的主菜就是燒西班牙橡果級黑毛豬肉眼蓋。同樣地都係好易切開，外圍也有香煎的味道，但跟牛扒不一樣的是，放入口咬的時候會感覺到淡淡的橡果香，令我唔會覺得有好膩的感覺。其實我們原先有想過食到咁上下，可以加幾十蚊來個海鮮拼盤或者餐酒。但是當品嘗完主菜之後，我們經已覺得飽飽，為免浪費食物，所以以兩杯餐茶作結，希望下次再來的時候可以食 原隻波士頓龍蝦餐 同埋個拼盤啦~