媽咪隨意屋 (Closed)

今日行過長沙灣元州邨商場，諗住入商場睇吓有咩食，一入商場就見到左右都有餐廳，不過就被右邊嘅呢一間媽咪隨意屋吸引住。因為佢門口寫住有學生優惠（雖然早已經同學生身份有好遠嘅距離）。不過見到社區上邊仲有對學生咁關注嘅餐廳覺得值得支持有下。見到佢午餐Menu選擇唔係話好多，但基本上每一樣都非常之吸引，對於喜歡泰國菜的我來說，其實已經好難做選擇。咁熱嘅天氣下決定食一個青咖喱雞飯開一開胃口。呢個青咖喱飯配上一隻煎蛋，蛋黃有流心效果，非常有心思，而雞肉亦並非諧霎霎嘅雞柳肉，而是白切雞，唔知係咪都係海南雞飯嘅嗰啲雞呢？今次佢仲有埋一隻雞翼俾我，應該係我行大運了！ 講一講個青curry先! 佢嘅甜味唔係話非常甜，同個辣味完全平衡到，10分開胃！ 加上配菜同白飯，非常好食！ 雞肉非常嫩滑，非常肥美！ 如果對於重口味嘅你，呢間餐廳一定係你首選，外面有唔同嘅調味料比你自己加，令菜式更加惹味！ 不得不提嘅係呢一杯奶茶，雖然我走咗甜，但係琪奶味非常之香滑，走甜都已經非常之夠味！下次更加會試泰式奶茶！ 店內面積雖然不大但整齊有你，簡單佈局令人有舒適嘅感覺！ 下次一定再嚟！