Bluebird Coffee (上環) (Closed)

來到上環兩層高以藍色為主調的精品咖啡店想起的就是這句歌詞☺️又到週末，專登搵左間咖啡店，飲下咖啡坐下。Bluebird就正正係上環站地鐵站隔離，地點十分之方便。係地下揀咗啲糕點同order左咖啡之後，上咗去上層坐，上層空間感十足，相比起地下寧靜得多，而且梳化位都坐得好舒服。🔸Latte Macchiato ☕️估唔到Grande有咁大杯，Macchiato 奶味夠濃。🔸Syphon Premium (Short)叫咗出面唔係經常有嘅虹吸咖啡，揀左Honduras中美洲的咖啡豆，由於係淺度烘焙嘅咖啡豆，透過虹吸式的高水溫，可以將咖啡豆的苦味萃取出來。旁邊特別配有幾粒朱古力，平衡下啲苦味。仲可以係吧枱睇住咖啡師做虹吸咖啡🔸檸檬貝殼蛋糕、可露麗蛋糕、朱古力酥、開心果蛋糕蛋糕櫃內的糕點同酥餅的款式好多，就揀咗四款試一試。比較特別嘅揀咗兩款法式糕點，可露麗外層係比較厚實嘅焦糖外殼，中間嘅蛋糕充滿雲呢拿味。檸檬貝殼蛋糕質地就比較實，重牛油香味。開心果蛋糕比較Creamy，果仁味都幾香。🔸藍莓乳酪杯咖啡店都係輕食為主，除左乳酪杯，仲有沙律，簡簡單單。