Video
Read full review
2010-03-15
8 views
前兩日行經屋企樓下知道開左間新既熱狗店，就當然要試下啦，鬼叫咁近我咩。巧合既係佢對面亦都有間新既米線店，同一時間有兩間新店子，不過可能因為新開，兩間既客人都唔算太多。大概 3 點鐘到，下午茶時間，店內一個客人都未有，大概係d中學生未放學呀。佢既選擇唔算好多，而且亦唔算好大路，最後我選擇左最正常實無死既香濃芝士熱狗。佢唔係俾你揀腸仔架，係揀餡料，有薯仔沙律..... 仲有其他唔記得左啦，可以套餐或單買，套餐就係薯條加汽水，而我就單買就算，因為食唔哂薯條。單買 $ 21.5 ，唔算特別平或貴，都算係可以接受。不過等都等左一段時間，起碼6-8 MINS，睇黎係即叫即整。味道我覺得可以啦，不過不失，麵包覺得如果可以再熱D會好D，不過個皮有少少脆，而且食落都叫軟熟。佢已經幫我落左芥辣，食落去味道都好惹味，不過腸仔都幾鹹下。雖然叫左香濃芝士，不過其實我覺得唔係好夠味，芝士味偏淡，如果再香D會好味D。眼見店內大部分都係好年青既店員，唔知係佢地自己出黎創業定點呢？其實我覺得味道不過不失，不過呢個笑面係愛的鼓勵，希望會越來越進步。=)
大概 3 點鐘到，下午茶時間，店內一個客人都未有，大概係d中學生未放學呀。佢既選擇唔算好多，而且亦唔算好大路，最後我選擇左最正常實無死既香濃芝士熱狗。佢唔係俾你揀腸仔架，係揀餡料，有薯仔沙律..... 仲有其他唔記得左啦，可以套餐或單買，套餐就係薯條加汽水，而我就單買就算，因為食唔哂薯條。
單買 $ 21.5 ，唔算特別平或貴，都算係可以接受。不過等都等左一段時間，起碼6-8 MINS，睇黎係即叫即整。味道我覺得可以啦，不過不失，麵包覺得如果可以再熱D會好D，不過個皮有少少脆，而且食落都叫軟熟。佢已經幫我落左芥辣，食落去味道都好惹味，不過腸仔都幾鹹下。雖然叫左香濃芝士，不過其實我覺得唔係好夠味，芝士味偏淡，如果再香D會好味D。
眼見店內大部分都係好年青既店員，唔知係佢地自己出黎創業定點呢？其實我覺得味道不過不失，不過呢個笑面係愛的鼓勵，希望會越來越進步。=)
Post
