香湘辣妹 (Closed)

香辣QQ蝦$158食到停唔到口啊！蝦仁好彈牙，難怪改名做QQ蝦啦！整碟餸的精華所在，竟然是粉絲啊！蔥花，豉油加熟油，爆香d蝦，再放粉絲入去炒，好味到不得了。色，香，味俱全的一道菜！雖然話係「香辣」，但我食落又唔覺太辣，可能為咗迎合我地香港人口味，唔食得太辣，廚師放辣椒輕手dd。金牌蒜香骨$108炸得金黃，香口的蒜香骨，最抵讚既地方除了味道夠之外，最重要既就係唔多肥膏喇。肉質鬆軟，美味可口。酸菜魚這碟酸菜魚，雖然面頭鋪滿辣椒和麻籽，但不是想像中那麼辣。本來我以爲這盤魚內會有粉皮，原來是沒有的！還以為這碟會像水煮魚一樣，裡面會有粉皮tim。(裡面只有酸菜㗎咋！）魚肉好滑，好新鮮。既然沒有「粉皮」，那麼就叫了一碗粟米粒白飯送吓菜啦。這間餐館是用平口碗裝飯的，份量不算太多，所以若果喜歡吃飯的人，要叫兩碗才夠嚕。哈哈！食完飯還可以去轉角位間奇趣天地逛逛街，消化一吓。這個周未真的過得很充實。