甘饕 (Closed)

喺銅鑼灣行完街經過呢間燒味店男朋友鍾意食燒味見佢擺出嚟嘅燒味好靚所以就入咗去試試以往我覺得燒味係單調、醫肚餓既一種快餐菜式食完打破咗我以往對燒味既印象😍🔸例湯今日係佛手瓜湯🔸每日都會唔同好足料，濃而不咸，好有住家嘅味道❤️🔸子薑皮蛋🔸本身我係一個唔食子薑嘅人但我想食皮蛋所以見佢咁特別就試試甜而辣嘅子薑配creamy既溏心好好食個味好夾又開胃🔸手拍青瓜🔸好開胃嘅前菜爽口帶點辣就算我唔食得辣我都覺得好開胃😍🔸大少叉燒、肥燶叉燒、蜜汁叉燒🔸大少叉燒用梅頭豬肉整入口好軟冧，誇張啲形容可以話入口即溶口感同一般嘅叉燒好唔同，好特別肥燶叉燒好香烤，爽口彈牙嘅五花肉蜜汁叉燒用瘦肉整成，比五花肉少咗個爽口嘅感覺但係又多一番綿密嘅肉質，多汁甜度啱啱好原來叉燒都有咁多種唔同嘅味道同質感😻🔸韭菜鵝紅🔸豬紅就食得多，鵝紅真係第一次食口感比豬紅更細膩，而且鵝味濃郁嫩滑😍可以用咁嘅價錢試埋鵝既香味，CP值高！鍾意鵝香既人萬勿錯過🔸燒鵝例牌🔸鵝既油脂分布平均肉質好嫩帶光澤新鮮非常野味配埋個瀨粉一流！地方都闊落，店員有禮好滿足嘅一餐❤️❤️❤️