Peko Peko Eatery (康怡廣場北座) (Closed)

之前食過何文田分店，原來北角都有間！呢間空間感更加大，裝修設計以簡約風為主，感覺好高級好舒服！海膽三文魚子竹炭烏冬($168)每次必食！海膽唔腥，海膽汁海膽味都幾濃好creamy ，竹炭烏冬口感好Q彈，好味！蟹肉牛油果船 （$98）上面鋪咗滿滿嘅蟹肉同蟹籽～加埋酸酸甜甜嘅沙律菜，好開胃好好食！香烤日式醬油三文魚 （$238）擺盤好靚，三文魚焗得好香，醬油調味稍為淡咗少少同唔算嫩滑，感覺何文田更出色🙈而且擺盤更加有心思🙈雖然呢度空間感更足，但下次應該會去何文田分店多啲！