Kim's Deli (Closed)

自從周庄執左之後都無去呢幢大廈搵食，今次見到新開間韓國餐廳就去試下，星期日午市竟然得我一枱包場？！場內電視播韓國音樂，但唔係普遍的K-Pop，而是韓腔英文歌及兒歌！場內亦見有些玩具，可能是餐廳老闆的小孩關係吧。而桌上的餐具是紙套包住的鐵匙及鐵筷子，非常韓式！整個感覺好家庭式經營的小餐館。前菜除了泡菜，還有炸茄子及蛋餅，雖然炸物有點腍，但覺得誠意可加。辣豬肉石頭鍋拌飯 $78 石鍋唔係好熱，無飯焦，不過好多配料，菇片，蘿蔔絲，脆玉瓜絲，芽菜，青菜，紫菜，煎蛋，加埋辣豬肉以及韓式醬，正呀！如果係太陽蛋會加分！本身午市套餐跟湯，清清地有蔬菜，如果經Openrice訂座加送飲品，係韓式罐裝飲料，試左個西瓜汽水…嗯，好甜既有汽西瓜汁。