Video
Read full review
2023-01-03
6553 views
如果接受到會無端端受氣既話，可以去試下朋友生日，想食潮州野，於是早兩星期致電book 枱，店家當時並無提及會於當日或之前會再次聯絡以confirm booking，只提及用膳時間至晚上八點須交枱。其後因為其中一位朋友有事遲來，於是再次致電店家更改booking時間，由6:00轉為6:30。當時對方依然沒有提及有關confirm booking之事，只提及交枱時間依然是晚上8:00。雖然整體用膳時間少左，但我地都覺得可以接受，於是一切如常。直至booking當日，店方於中午12:30-13:00內電5個電話給我，恰巧當時我正有要事處理，未能接聽。直到我事後（約13:00後），致電回覆，對方則回應，因為多次致電我都未有回覆，未能confirm Booking，於是取消我的預約，並將預約給另一台客人。因為半小時內沒有聽到電話，加上我已經1小時內回覆，都依然無緣無故被取消預約，覺得愕然同憤怒。一直與對方女店員於電話爭論，解釋未能聽電話之原因，但這位女店員言語間一直怪我地因為無聽到電話，係我地嘅錯！最後對方又答應我地有枱，但於晚上6:30一行六人前後到達後，呢位女店員前後跟我們說幾次8點要交枱，
朋友生日，想食潮州野，於是早兩星期致電book 枱，店家當時並無提及會於當日或之前會再次聯絡以confirm booking，只提及用膳時間至晚上八點須交枱。
其後因為其中一位朋友有事遲來，於是再次致電店家更改booking時間，由6:00轉為6:30。當時對方依然沒有提及有關confirm booking之事，只提及交枱時間依然是晚上8:00。雖然整體用膳時間少左，但我地都覺得可以接受，於是一切如常。
直至booking當日，店方於中午12:30-13:00內電5個電話給我，恰巧當時我正有要事處理，未能接聽。直到我事後（約13:00後），致電回覆，對方則回應，因為多次致電我都未有回覆，未能confirm Booking，於是取消我的預約，並將預約給另一台客人。
因為半小時內沒有聽到電話，加上我已經1小時內回覆，都依然無緣無故被取消預約，覺得愕然同憤怒。一直與對方女店員於電話爭論，解釋未能聽電話之原因，但這位女店員言語間一直怪我地因為無聽到電話，係我地嘅錯！
最後對方又答應我地有枱，但於晚上6:30一行六人前後到達後，呢位女店員前後跟我們說幾次8點要交枱，又俾面色我地睇，仲要每個人一到達就問邊個係同佢電話聯絡果位，是要尋仇嗎？最後知道係我，又再次用難看面色問我點解唔聽電話，我真係有必要又再次同你解釋原因嗎？
最嬲係，同時間隔離枱同我地差不多時間用膳，呢位女店員就20:01衝入嚟要我地走，而隔離枱都仲食緊，完全冇催人走。
好地地食餐飯，無啦啦要受你氣，你咁唔想做我地生意，可以唔好做。
至於食物方面，個醉鴿同醉肝係好食嘅，其他就不過不失，炸蠔餅都好食，不過咁大碟得幾粒蠔，蠔唔係特別新鮮，只係啲脆脆夠香。滷水拼盤都好大碟，有豬腩肉、豬頸肉、鵝片、豬大腸、墨魚片、滷蛋，滷水味偏淡，但墨魚好食。
不過比佢地好食嘅餐廳香港真係大把，食物再好食都冇用，態度差到⋯自問我由一開始book枱都冇得罪你地，無啦啦要受氣
真心以後都唔會再黎食
Post
