港樂冰廳 (Closed)

作為街坊都真心幫襯唔落。對茶記服務態度一直冇要求，作為土生土長香港人，我估我嘅中文水平應該都唔錯。覆單錯晒，再講多次佢都落錯單，仲要大聲比佢鬧翻轉頭真係第一次…我好明白係快餐店，但放餐嘅時候飛過嚟都真係差啲燙到我隻手，好彩我冇帶小朋友。其中一個叫左海南雞飯 等於 冇味白切雞飯，非常失望，嘢飲都低於一般水平。除左裝修俾個讚佢，服務同食物都真係唔掂。成個西環有咁多餐廳選擇，相信競爭都好大，邊個想食飯都要俾人鬧雖然我明白香港壓力好大，多謝唔會再去幫襯。