港樂冰廳 (Closed)

落外賣自取買飯，番到屋企你俾個麵我，你都好野，打落去冇人聽，親自的行落去，諗住你換番俾我，點知問我係唔係食左個飯呀，拎個麵落黎換，咁我唔駛做生意啦，我話我叫一樣野，點樣換個飯，咁既態度，想問下你幾時執

keeta上叫左外賣，86蚊餐得一塊細豬扒同一條菜，一杯嘢飲，漏左餐湯打電話問打極冇人聽，唯有平台留言。店主卻聲稱已經送餐，簡直呃人，呢啲不誠實、難食、份量極少的餐廳唔會再幫襯，西環咁多餐廳，奉勸各位街坊都唔好畀人呃！

叫左午餐「秘制咖哩牛筋腩飯」。叫得秘制，諗住都真係會落多少少心機煮掛？點知真係幾難食下。汁無咖哩味，質地杰tat tat咁。牛腩咬落無味，中間仲有陣「穌」味。得杯凍啡係正常見其他人食滑蛋xx飯都幾正常，應該係我奶野only.Anyway, 唔會再食。

趕時間是但喺附近搵嘢食，見到呢間唔使排隊就入咗去。落單嗰陣個男侍應好似瞓矮頸咁，個頭側埋一邊，攞鼻孔望住我哋。之後又好似啞咗咁唔識講嘢，全程用「手語」（非障礙人士），之後又冇覆單，落錯咗單，但係都冇同佢講話要換，驚加料。食物嘅話正正常常啦，但係個沙嗲牛肉公仔麵麵質好硬，個湯勁鹹，啲牛肉又好鞋。其實呢個價錢都冇expect啲咩好嘅Service，但都唔會係咁冇禮貌，直接唔開口同人講嘢咁

因為今日晚上想不到要吃甚麼，所以就選了這家開了不久、我又未曾試過的的新式茶記。在態度和招呼方面，都是即貫徹了香港一般日常咁，不太好不太差，伙記是新請的仍是生手。而營業時間有點短，晚上九點就準備想關門，九點就cut order同叫人畀錢。味道亦正正常常，但是份量偏少，而且晚餐沒包飲料，熱飲要加$6，打個突。光是薯菜和沙律醬的份糧已可以連飯一起吃光，可見份量不足，要空口吃餸。優點的就是汁都係港式的，味道卻適中，沒有太淡太鹹的感覺，吃食物後不會想瘋狂飲水。To have a verdict，很難同快餐店去競爭，收得貴又收得早，只是味道拉返高整體分數。

今晚第一次嚟呢度食晚餐，叫咗一個海南走地雞，同埋剁椒蒸鯇魚， 嗰碟海南走地雞係一碟冇味又凍嘅雞， 剁椒蒸鯇魚 ，落咗單15分鐘都未到，後來問佢係唔係漏咗單， 都仲未出，到碟魚嚟到嘅時候，係蒸到過曬火😅， 後來我碗飯仲食到淨返三份一，啲餸都已經冇曬啦，但係我仲夾緊啲剁椒， 竟然有個女侍應行埋嚟，收曬我啲嘢，連我杯水都收埋， 我眼都突埋，無下次🫣， 啲咁嘅食物質素同埋員工態度， 應該唔會捱得耐， 呢一區仲有大把選擇

作為街坊都真心幫襯唔落。對茶記服務態度一直冇要求，作為土生土長香港人，我估我嘅中文水平應該都唔錯。覆單錯晒，再講多次佢都落錯單，仲要大聲比佢鬧翻轉頭真係第一次…我好明白係快餐店，但放餐嘅時候飛過嚟都真係差啲燙到我隻手，好彩我冇帶小朋友。其中一個叫左海南雞飯 等於 冇味白切雞飯，非常失望，嘢飲都低於一般水平。除左裝修俾個讚佢，服務同食物都真係唔掂。成個西環有咁多餐廳選擇，相信競爭都好大，邊個想食飯都要俾人鬧雖然我明白香港壓力好大，多謝唔會再去幫襯。

叫老公幫我買外賣，因為我不嬲都食開杏花村間海南雞飯，但今次去唔到杏花邨，結果要係西營盤附近買嘢食。老公就求其😑揀一間餐廳買，就買左呢間嘅海南雞飯。老公send俾我嘅menu完全見唔到海南雞飯，我都覺得奇怪🤔，但冇諗過伏得咁緊要！真係難食過屎！講明要油飯，結果俾白飯，都算啦！ 啲雞全部都有骨！又白曬曬、啲雞冇味、啲肉又實、又韌！燒味檔嘅切雞都好食過佢！成盒垃圾！難食過屎！仲有個湯！油到呢！我成盒冇食掉返俾老公自己食！超級難食！都唔係做食肆嘅！ black list呢間嘢！仲要收成 $60！

態度服務差中之冠👍🏻👍🏻男侍應掉餐牌，落單時呼喝你，仲衰過澳牛10倍，想挑戰可以過嚟西環試吓自己嘅忍耐力😤😤我就野都冇食走左，俾錢你入嚟受氣，采你有味

住左係附近十幾年，依個位前身係新釗記，終於轉左有間新型既冰室。趁住今日得閒抽時間就去試下一入到間冰室，好大又有卡位，仲要有電視睇，感覺唔錯今次同朋友一齊坐卡位，幾舒服。一坐低我地睇緊大餐牌時，有個短髮戴眼鏡姐姐好熱情主動咁遞埋午餐餐牌俾我地睇，服務幾好咁我同朋友分別叫左一個午餐海南雞飯，一個下午茶麻辣雞扒米線配多士 櫻花蝦炒蛋我地兩個share黎食。麻辣雞扒米線我自己超鐘意因為本來我好鐘意食辣，我覺得佢個麻辣做得好惹味同埋真係夠麻夠辣佢個雞扒係特別煎過所以依個餐等耐左dd，個櫻花蝦炒蛋好食，炒蛋好滑，丹麥多士再多啲牛油就好喇（鐘意食麻辣既朋友仔可以試下依度個麻辣）煎過海南雞飯佢寫住係走地雞，唔知係唔係因為走地雞關係，覺得佢個雞味特別濃，個油飯就一般般啦，冰室黎講算合格，不得不提佢仲有三色醬配個海南雞，算係有誠意今次用餐都幾舒服開心，食物都好食，同朋友坐左差唔多45分鐘都冇急急腳叫我地走。見到佢個餐牌仲有好多野食，幾多元化，住係附近又多個選擇

分別幫襯過午餐、下午茶同晚餐！晚餐時段態度同食物質素最好！下午茶叫咗一個焗豬扒飯😑😑😑真係好難食！有美極同酸味非常奇怪！D飯仲要好濕！最後只食咗豬扒算！另外午餐同下午茶時段！伙記一係叫極冇反應、一係就企喺度監視你食飯咁下午茶真係好難食🤮d飯濕到🤢午餐𣎴穩定！晚餐正常！

服務態度：叫幾次落單先有人應雞髀薯條：雞髀炸到燶之餘仲滲出血水，薯條又淋淋又唔脆.肉醬意粉：成碟焗意粉好似比水浸住，味道非常一般.另加個午餐：豉椒排骨炒河不過不失😥😥完全中伏😖真係冇下次唯一係間舖面裝修還可以地方都算感覺衛生！

諗住一家人開開心心食下午茶，落單都落錯，再改單，都仲係錯，你地點搞呀，再叫侍應改，睬都唔睬你，之後睬你仲話頭先有人落？咩態度呀。。。。執左佢啦，完全唔配冰室呢個名，希望唔好再有人中伏！

看似高級的茶記，收費偏高，但水準也是一般。水是自助，餐紙要自備，否則請付$2買紙巾！一家人去吃早餐，沒有三文治餐，沒有多士餐，想散叫也沒有，要11:30之後才有！附近有很多其他茶餐廳可去！

x那星。53$ 常餐豬潤米， 得4舊潤。78$ 班炒河油撚到扑街，油浸河not 炒河。河粉生，仲有條凍。仲要唔包野飲。吊佢個hi, 熱水自助針，杯水有漂水味。飲x死人都似。垃圾中垃圾。*用料ok 真係魚肉唔係d 龍利柳。#food #hkfood #hongkongfood #hongkong #hongkongdessert #hongkongcrusine #omicron #食物 #香港 #香港美食 #劣食 #難食 # 狗也不#foodig #hkfoodpoet #閃電五連鞭