八目燒串燒專門店 (Closed)

話說今日去買午市外賣，十一點八行過，見佢開咗門就入去，老細招呼我搵阿姐幫我落單。叫咗兩個定食，阿姐話要等耐啲，我話無所謂你慢慢啦，跟住我喺近門口位坐低玩電話等外賣。到十二點零老細有事行開咗，個廚房師傅就開始鬧人，一開始佢就同阿姐講曬粗口咁鬧個老細未夠鐘就放個客入嚟（我望一望門口原來開十二點）湯又未煲好飯又未煮好咁，由於係開放式廚房間舖又唔大，我每一句都聽得清楚，阿姐聽佢鬧自己又鬧埋一份。而我一直都無催過佢，其實佢要慢慢整係無問題反正我預咗等。但佢就不斷咁鬧越鬧越大聲鬧埋我一份，真係唔知得罪佢啲乜。各位，哩條街隔離大把好嘢食，有串燒有日本野有便當有拉麵，間間態度都好好，得哩間當客人係狗，我就永世唔會再幫襯。