Video
Read full review
2009-08-14
7 views
我哋今日一行五人去同我嘅朋友慶祝生日，跟住訂咗七點半五位。我哋七點半準時到達，眼看裡面有好多吉位，但有好多位都已被留座，結果佢哋畀咗個門口位我哋。其實原本都OK嘅，但因為啲人出出入入開門好大風，所以我哋嘗試同個侍應講要求換位，結果搞咗好耐先換到張冇咁近門口嘅位。點餐嘅時候由於我哋五個女仔，所以只係叫左一個二人餐，然後再散嗌其他嘢。主菜係蜜汁意大利飯、大蝦長通粉，仲有炭燒豬肋骨、羊架，當然唔少得網友極力推介嘅車打芝士藍貝啦。喺點菜嘅時候就順手嗌咗位長直頭髮女侍應，但該女侍應好似聽唔到我哋嗌佢，咁我哋不以為意就即刻叫第二個女侍應幫手點菜啦。等一陣間就有期待嘅車打芝士藍貝喇，賣相一流，芝士濃郁，但奈何殼大肉細，只有一蚊咁大，而且部分已經離殼，食到最後一兩粒還有"壓"味。豬肋骨可能由於係套餐關係，只有四條肉。之後就上蜜汁意大利飯同埋大蝦長通粉，意大利飯名不虛傳，蜜汁濃郁，好RICH，而大蝦長通粉亦不俗。其他嘅都OK，唯獨是羊架真令人失望，OVER晒，好韌，切都切唔開，真係食唔到。跟住就嗌甜品，48蚊可選兩款甜品，但每款甜品嘅SIZE實在太細喇，好似係金寶蘋果批，SIZE比街外買到嘅蛋撻還要細，
點餐嘅時候由於我哋五個女仔，所以只係叫左一個二人餐，然後再散嗌其他嘢。主菜係蜜汁意大利飯、大蝦長通粉，仲有炭燒豬肋骨、羊架，當然唔少得網友極力推介嘅車打芝士藍貝啦。喺點菜嘅時候就順手嗌咗位長直頭髮女侍應，但該女侍應好似聽唔到我哋嗌佢，咁我哋不以為意就即刻叫第二個女侍應幫手點菜啦。
等一陣間就有期待嘅車打芝士藍貝喇，賣相一流，芝士濃郁，但奈何殼大肉細，只有一蚊咁大，而且部分已經離殼，食到最後一兩粒還有"壓"味。豬肋骨可能由於係套餐關係，只有四條肉。之後就上蜜汁意大利飯同埋大蝦長通粉，意大利飯名不虛傳，蜜汁濃郁，好RICH，而大蝦長通粉亦不俗。其他嘅都OK，唯獨是羊架真令人失望，OVER晒，好韌，切都切唔開，真係食唔到。
跟住就嗌甜品，48蚊可選兩款甜品，但每款甜品嘅SIZE實在太細喇，好似係金寶蘋果批，SIZE比街外買到嘅蛋撻還要細，只係覺得心太軟好食，但個SIZE都係比蛋撻還要細。其他嘅仲有芝士蛋糕、TIRAMITSU同埋焗焦糖布甸，OK啦。
食完晒之後當然會傾一陣偈先啦，而且亦都唔少得拍照留念，所以我哋就叫侍應幫手，順便嗌埋單。咁我哋亦都不以為意叫咗嗰位長直頭髮女侍應幫我哋埋單兼影相。跟住佢就畀張白色單我哋簽，但就冇筆，而佢都唔知根本冇畀筆我哋簽，咁我個朋友見到冇筆就理所當然咁將張卡到夾落張單度啦，然後就麻煩佢幫我哋影合照，但佢就好求其咁影咗張相，睇番竟然CUT晒頭，個個都變晒冇頭鬼。咁我哋就麻煩兼唔該叫佢幫手影過張啦，咁我哋就企定定咁等佢幫我哋影，但係嗰個長直頭髮女侍應就消失咗喇，其實係走咗去幫我哋碌卡，但我哋就唔知道，結果我哋五個女仔就戇居居咁等咗大概一分鐘先有人幫我哋影。碌完卡之後佢畀番張卡我哋嗰陣都係冇筆，要我哋叫佢畀支筆，更甚嘅係當我哋簽完之後夾緊錢嗰陣就聽到佢喺我哋後面繞過張枱嘅時候講︰"係佢唔簽名之嘛！"呢句說話係佢喺我哋後面講，仲要我哋五個人都聽到。我覺得係講都應該等到個客走咗先講啦！非常唔專業。所以我覺得態度惡劣（長直頭髮女侍應），氣憤難平，誓不再去！
Post