永利茶餐廳

Open Now

Now Closed

放工收得夜，返到柴灣都十一點半，附近無幾間仲有開，就試下幫襯呢間，叫左個牛柳絲炒面，個收銀個阿姐黑口黑面，問我姐係幾多號，我心諗，你先係係到做，吾係應該熟過我咩，我呆左一呆，睇返個餐牌，好有禮貌咁答佢A9,落完單，因為場內已滿座，我企左係門外等，個收銀阿姐拎到外賣會出黎門口問人係邊個，等左半個鐘左右，眼見身邊幾個遲黎叫外賣既人都拎完走埋，我就諗住入去問佢係咪漏左單，點知入到去收銀位，佢無理我，但我見到死角位有一袋外賣（門口望入去望吾到既位置），我就好聲氣問佢係咪A9,佢黑哂口面拎黎望左一眼，跟住俾我拎走，我真心有D不滿，價錢吾平，態度仲要咁惡劣，返到去開盒睇，味道真係吾錯，但牛柳絲小到呢，翻哂成盒都係得六/七條牛柳絲，收人46蚊，自問要俾錢又忍到態度差，可以一試既