麵の四

Open Now

Now Closed

昨晚以『步兵』身份替某外賣平台到該處取餐，當餐預備好，準備取走時，廚房有位女職員聲稱店鋪冇人識英文，叫我幫佢在電話跟對方溝通，但當時距離送餐限時只有8分鐘，我就婉拒，並表示趕送餐，而且遲到會扣錢，所以唔好意思了，幫唔到，佢話唔緊要，叫我繼續送餐吧。但負責收銀落單嗰位女職員即刻黑面大罵，話我講大話，送餐有20分鐘，不滿我唔幫忙，我話只有8分鐘送，仲比埋手機屏幕版面佢睇。好啦，我送餐啦，我差唔多去到目的地，佢打電話來話食物未齊，叫我折返（其實我剛到取餐時，都聽到佢在電話同另一送遞員講漏左食物，叫佢折返）, 但唔夠4分鐘，又打電話來催我，大鬧，收銀真係好癲（大姐，我行番轉頭都要時間啦），我返到去，佢放回食物，一句『唔該』或『唔好意思』都冇，仲黑口黑面。講真，我幫佢是人情，我自己有工作在身，要盡快送餐給客，亦有時間限制，我都禮貌婉拒，唔好意思都講埋，對方仲要『發爛炸』。（如果時間情況許可，我絕不介意幫忙）呢間鋪頭，我一定唔會惠顧，如果大家有機會叫這店鋪外賣，一定要check 清楚有冇遺漏食物，因為短時間內最少兩單執漏食物 （當時店鋪並不算太忙）, 都不太理想。