蓮香樓

話說前幾日同阿媽去咗蓮香飲茶去到門口已經排晒長龍，原本諗住唔排隊走啦都咁多人，見到蓮香派同事出嚟招呼客人，又準備咗茶同點心紙俾我地睇著。阿媽話佢以前感覺唔一樣，而家有活力同後生好多。又識講唔同嘅語言同客人溝通。阿媽話舊陣時蓮香啲人黑口黑面。飲完茶樓下仲可以買茶葉同埋買廢水飲。介紹茶葉個女仔對茶葉嘅了解都好清楚；又會了解吓阿媽頭先去樓上飲乜茶，再幫佢配茶葉；期間仲要見到佢回答好多其他客人嘅問題，不斷同我哋講唔好意思。我飲佢哋嘅春夏秋冬同陳皮燉檸檬。我哋走嘅時候仲去隔離舖頭斬咗個燒味。返到屋企阿阿爸話燒味正，送啤酒一流。