口麻天辣

Open Now

Now Closed

其實嚟過好幾次，但係今次真係一肚氣！12:40已經坐低落單，半小時都上唔到菜，淨係俾個冷盤小食。問個女侍應佢完全唔想答咁嘅樣。餐廳不斷整外賣，冇理過坐喺度嘅客，但係原來外賣落單時間仲遲過我坐低嘅。問另一個廚房侍應就係話整緊整緊，但係起碼長枱有四個客係完全冇嘢食，佢哋仲早到過我。 呢間餐廳好應該要改善服務態度，特別係前台果個。如果廚房做唔切根本就唔應該接咁多外賣單，瞓咗唔應該為咗達到外賣單預訂嘅取貨時間，就犧牲堂食嘅客！衛生環境麻麻地，我第一次坐近廚房，原來有陣臭味不斷飄出嚟。