Smokey Ice (Moved) New Location

今日放假，同堂哥哥專程試呢間特色甜品店！呢個位置對於我地元朗通黎講都難搵，始終5係旺區係間小學既巷仔不過被我地摸左門釘3次終於入到黎實在感動！一個叫「牛扒」一個叫「豬扒」！快速決定到！呢度老闆一家3口落舖頭，爸爸媽媽一人做一邊，媽媽仲揹住個BB開工！呢個畫面只有在九十年代以前先見到，十分溫馨！人又NICE~~爸爸送上了西冷「牛扒」先，呢份鐵板上面有「薯菜」西多士、「蔬菜」鮮果粒、「牛扒」朱古力雪糕、「粟米CONE」香蕉條等等...加上「煙霧」乾冰，做得十分有創意！十分相似！味道亦5錯，朱古力雪糕味道濃郁夠黑夠苦，西多士炸得夠乾身，鮮果通通都冰鮮，吃落5會怪！又吸晴又開胃！絕對係3覺享受！冰極牛扒 $68而呢個「日式吉列豬扒」，入面有「吉列豬扒」炸雪糕、「照燒汁」士多啤梨汁、「蔬菜」士多啤梨。呢個用麵包包住雪糕黎炸，十分有心思，炸得好脆，係剛剛好係外熱內冷，一火一冰，舌頭嘅交融！加上士多啤梨汁，甜甜的好似食緊果肉STRAWBERRY雪糕，一個食品2種食法，掂！冰極炸豬扒 $68下次試佢繼續推出嘅新野！